متى متى يازين أشوفك على خير = يامولعاً فيني من الشوق نارك
متى الزمان يعود وأشوفك اعصير = أظن شوق العام أبطا مازارك
لاقلت لي تعال أجيلك امغير = غارة شجيعاًً ضارياً للمعارك
جيتك من الفرحه انا ودي اطير = اخاف لاترجع تغير قرارك
جيتك بعد غنيت ( امك على البير )= جيتك انا مااطيق طول أنتظارك
حتى أخوك امر واشوفه يسير = اجيه واقول اوصلك يم دارك
ماهوب حباً فيه ياشوق ماغير = القلب وده دايماً في جوارك
يمرني طيفك وامسيه بالخير = انته وطيفك فالفؤاد امتشارك
يامترفه ياتاج كل الغنادير = ياجامعه كل الحلا في مدارك
اللي تبي آمر وانا آقول بيصير = خذني معك لو اعتبر مستشارك
اكيد جده غير وانتي بعد غير = ياليتني يابنت الاجواد جارك
خل العواذل تنقهر خير ياطير = ترى العواذل ودها في دمارك