كل ما يطفي زماني من اجروحي جروح=تستجدّ اجروح غير الجروح الأوّله
وانت يا(....) ليا هوجس الشاعر تروح=تحسب انك في غيابك تحلّ المشكله
ما دريت انه ليا ناحت الورقا ينوح=ما لقا له من يعوم الهموم وينشله
والأكيد انّ الليالي من احزاني تفوح=ما يوقّف فوحها كلّ ريحٍ مرسلة
والعجيب انّ التمنّي كما برقٍ يلوح=يختفي في طرفة العين قدّام اسأله
أبني من آمالي أحلام واشيّد صروح=أتجاهل واقع الحال لكن ما اجهله
أبتسم للناس والصدر ما ودّه يبوح=والهموم اتحوم وابواب صدري مقفله
يمكن اتعلّم من ايوب وآخذ عزم نوح=ما عليّه لو يصير آخر الدرب آوّله