# على شانك #
 

.

.

قديمة / نشرت بالكثير من المطبوعات
اتمنى قبولها لتتجدد بكم

.

.


-

-

على شانك نظمت احلى القصيد وصادق الابيات = ولاغيرك من الخفرات أكتب له واغني له

-

وعلى شانك خذيت بدنيتي ياحلوتي سجات = وشلت بدنيتي حمل(ن) يعجز الوقت عن شيله

-

وعلى شانك عرفت الليل قمت اسامر النجمات = يسامرني نسيم الليل تجذبني تعاليله

-

وعلى شانك بليت الرِجل بالروحات والجيات = اطارد طيفك اللي ماترك عيني ولاليله

-

على طيفك اجاذب حادي الذكرى مع الونات = وحزن الليل يسري بي ويعزف لي مواويله

-

يداعبني خيالا" ماتناسيته ولو لحظات = يفز النبض من صدري واجر الصوت انادي له

-

وعلى شانك سريت الدرب نبضي يسبق الخطوات = ونار الشوق تركض بي على سرجه عل خيله

-

وعلى شانك عيوني من عناها هلت العبرات = عبايرها كماوبل(ن) تحدر من مخاييله

-
وعلى شانك يهون الجرح والآهات والطعنات = ويهون الدمع لامنه تحدتني هماليله

-

انا الوافي انا المخلص معك لين اخر الاوقات = اسوق العمر في حبك ودرب الموت بمشي له

-

دخيلك ياسحاب الوسم لاتخلف بك الهقوات = نطرتك ياسحاب وبارقك للحين انا اخيله

-

-

وعلى شانك يامحمد الفرحان

اسطر كلمات مكتوبه بحبر الذهب لتليق بتلك الرائعه

واقول لك

ابداع منقطع النظير

صح لسانك واحساسك الرائع

الجميل والرائع يبقى جديد للابد

مثل الذهب يبقى بريقه ولمعانه على مدى العصور

تقبل مروري المتواضع هنا

الله عليك .. يا محمد الفرحــان

وهــذه الفاتنــة ، قديمــك جديــدك يالغالي

اسـتمتعت كثيـ،راً بهــذا النبــض الرائــع

نقبّل مروري وأطيب تحيّــــــــــــة 0




محمد الضرير

قديمك دائما متجدد أبو مفلح

صح لسانك وعلا شانك وأنا أخوك

وعلى شانك بليت الرِجل بالروحات والجيات = اطارد طيفك اللي ماترك عيني ولاليله

-

على طيفك اجاذب حادي الذكرى مع الونات = وحزن الليل يسري بي ويعزف لي مواويله

-

يداعبني خيالا" ماتناسيته ولو لحظات = يفز النبض من صدري واجر الصوت انادي له
كتير حلووووووه

حضور متألق ورائع


تحياتي لك ولقلمك المبدع

حتى وإن كانت هذه القصيدة قديمة زماناً

فهي قريبة جداً إحساساً وعاطفة وجمالا ً وشعرا ً رقراقاً

صح لسانك يا ابو مفلح حتى ترضى

وتقبل عاطر التحايا