|
!! .. نظرة المشتاق .. !!
ليه إن نسيت الجرح ذكرتني فيه وليه إن ذكرتك يعجز الجرح ينساك يعني يبيني الجرح و إن قلت ما بيه يعني أبيك وقلت لي الجرح ناداك !! !! .. نظرة المشتاق .. !! شف نظرة المشتاق والشوق طاويه تلقاك عينٍ من سهرها تفانت وتشوف جرحٍ ما لقا من يداويه وروحٍ على فرقا الغلا كيف عانت يروي لك من الهم والهم راويه شخص ٍ من الفرقا ضلوعه تحانت ينحب على من حب لكنة حكاويه اللي تسلي ضحكته حين بانت هو يدري إن ما فالعرب من يساويه اللي قطع حبل المحبه وهانت ذيك الموده يا نظر عين هاويه صارت رماد وهبت الريح حانت كانت ربيع القلب وسراج ضاويه واليوم يا حسره على كيف كانت شتان بين المنكوي وبين كاويه ويا بعد شانت عن مدى شوف زانت على غروب الشمس تشرق مراويه اللي بطعنات الحشا ما توانت كل ٍ على جرحه يدور مداويه و أنا على جرحي تمنيت ما طاب ذكرى عزيزه و أشهد إني بخاويه لا غابت وجيه المخاليق ما غاب !!.. نايف المغامس الشمري ..!! |
شاعرنا الرائع نايف المغامس الشمري
ياسـلام عليك يامبــدع وهـــذا البــوح الجميــل والمشاعر الفيّاضـة ، صح لسانك وعلا شـانك وبيّـض الله وجهـــك 0 تقبّل مروري وأجمل تحيّــــــــــــة 0 محمد الضرير |
نايف المغامس
صح لسانك وأنا أخوك شاعر عذب ومميز وقصيدة رائعة وجذابة أشكرك على مانثرته هنا من جمال وفي انتظار المزيد والمزيد من هذا الجمال الله يعطيك العافية وتقبل عاطر التحايا |
احسنت
شيء حلو سلمت يمنيك |
كانت ربيع القلب وسراج ضاويه
واليوم يا حسره على كيف كانت شتان بين المنكوي وبين كاويه ويا بعد شانت عن مدى شوف زانت صح لسانك اخوي نايف ابيات كتبت باحساس راقي كرقي شاعرنا العذب امتعتنا فلا تحرمنا تلك الروائع |
صح لسانك وَ سلم فكرك وَ بنانك شاعرنا القدير / نايف المغامس
وَ بكل تاكيد في انتظار المزيد وَ المزيد من هذا الابداع دمتَ وَ لا حرمنا الله أنت . تقدير ي و أحترامي لكَ . |
.
. صح لسانك يانايف ولاهنت على هذا الحضور . . تقبل فائق تقديري واحترامي |
دام التألق ... ودامعطاء نبضك ~ كل الشكر لهذاالإبداع لك مني كل التقدير ...!! |
حضور متألق ورائع
تحياتي لك ولقلمك المبدع |
| الساعة الآن 11:27 PM |
Powered by vBulletin® Copyright ©2000 - 2026
