في عالمي الفذ ّ (الصغير)
كل شئ أصله من "عدم"
في عآلمي أشيا كثيــر ...!
واقع لمن [نام وحـَــلـَـم]
أشيا تصيــر ..!
واشياءْ لاء!!
مفروض إنـْـها ماتصيــر
لكن تصير .!!!!
صآرت وصآر إبها ندم
صارت وهي أصلا (عدم)
في عالمي "ال؟؟؟" الكبيـر !!
ناس ٍ بلا ذمـّـه وضمير!
تمشي وتتبعها الخدم ....!
عاشوآ (غـِـنى) !
والمشكله علىَ حِـساب
صادق (فنى) !
ضـَـحك ولكنّ الحياه
عبْست بوجهه يالطيـــف ....!
وظالم تلذذ بالنِعم!
والصادق اللي ما (فنى)
أكله مع إيدامه رغيف
مرتآح بال
يكفيه هالخيـر الفضيل
إنه فقط مرتآح بال
في عآلمي !!!!!!
في عالمي السيئ "نـَـعم"!
طفله تسمى [إبتهـآل]
في عينها اليمنى (ابتهال)
وفي عينها اليسرى (دعاء)
كانت وسط خيرٍ فضيل !
فجأه تبدّل حال .. حال
مابين صبح وبين ليــل ...!!


غابت ولكنّه حضر
همٍ كريم .. ظلمٍ كبير
غابت بعد غابت حضر
كفٍ بخيل .. سمٍ ذحآح
غابت ولكنّه حضر
صبحٍ ضرير.. أسود عظيم
غابت بعد غابت حضر
دمع ونيآح.. إثـْر الرحيل


في عالمي الطفله [إبتهـآل]
أقسم قسم !
في ثانيه صارت نعم
أغلا من الفرْح الكفيف
أكبر من الدرب الكبير
في عالمي أشيا كثير!
صحيح أصلاً من عدم
لكن تعاملهم (سخيف)
ناسٍ بلا ذمّه وضمير
وأكبر دليل .....!
اللي قتل فيها الفَرَحْ !
وزرع بهالدنيا (حزنْ)
في (المجمعه) إلى (الرياض)
حزن ٍ ملا صدري وفآض !!
يسأل سؤال ؟؟
وين [إبتهـآل] ..؟
أصعب سؤال ..!
أبغى جوآب !!
لو قيمته .. أغلا ريال ...!
هذا الجواب !
هذا الريال !!
نعم لخاطر [إبتهـآل]
يصبح رخيص .. ونذْرٍ عليْ
اللي يوافينا بخبر !
له مايريد !
من عالمي
من عالمي ال؟؟؟ السخيف !
اللي تلاعب بالدموع
بعيون ترجيها وتنوح
مابين "آه" وبين " أوووح"
ياكبر همّي يا يبه..
طفلة ثلاث سنين بس !
من غير ما أحدٍ يحس
صارت بعالم مختلف....!!
من بعدها العالم (تـَـلـَـف)
فرحي (تـَـلـَـف)
والنور مات ..
والأمنيات !
ماتت بعد
وايضا معَ هذا وذا ..!
كل شئ (تـَـلـَف)
والـــ (مخْ) (تـَـلـَف)
من كثر مايسأل سؤال
نفس السؤال
أصعب ســـــــــــــؤال ؟؟؟
وين [إبتهـآل] ..؟؟
في عالمي هذا فقط !
كل الحروف تشكي النقط!
والأسئله صارت فقط ؟؟
وين [إبتهـآل] ؟
في عالمي كل القمم!
صارت تحت ..!!
فوق الألم
وسط الضلال
عند الكِذب
جنب السقوط
وهذا السقوط ..!
أيضا سقط...!
لامابقى .. من الحروف
إلا حروف .. بلا نِقط!!
والأسئله من هالحروف
بلا جواب
والكون يمضي .. للـ خراب!
بحضور ناسٍ ماتخآف
بحضور ناسٍ ماعرفت
معنى البرائه والضنى.!!!!!!
ناسٍ بلا ذمّه وضمير
في العالم (ال؟؟؟) الكبير


* ناسٍ قسم باللي خلق
واللي حرم ناس ورزق
منها يخاف
الخوف هو الخوف خاف!!


*ناسٍ قسم باللي فرق
بين الذي كسبه حلال
وبين الذي خان وسرق
(اللي قتل فرْح [إبتهـآل])
وخلق بهالدنيآ سؤال
أصغر سؤال .!!
وأصعب سؤال ...!
وين [إبتهـآل]؟


* ناسٍ قسم باللي فلق
حب ونوى
تعشق متاهات الغوى
ماهمّها كسب الحرآم ...!
لاما تفكـّـر ليه .. كيف ؟
بقلوب سودا يالطيــف !!!

* ناس فرشت درب العنآ
وشلون كيف ؟؟
لا مايهمْ !!
حتى على حسآب الضنى


* ناسٍ نعم هم الضلال
ماهمهم أيش الجـواب
وهمّ إصنعوآ أصعب سؤال




وين [إبتهـآل].........؟