عشت الجفا جرَّيتها غصب ونـِّـه= كاد التمنـِّـي والأماني تكيده
قلبي غلا قلب الجفا صدِّ عنـِّـه =الشوق مركب والمراسي بعيده
قلب الغلا كنَّ الغلا طاش منـِّـه=النفس طابت والمحبـِّـه عنيده
عاشق عيونه بالبكا بهدلنـِّـه=والشوق شقَّ الجوف ناره وقيده
كم من عويشق للعذارى جـَـفـَـنـِّـه=والعاشق اللي فوق همـِّـه يزيده
قالن حبيب وشفتهن شيبنـِّـه=سود العيون اللي حـَـوَرهن يصيده
قلب ٍ هـَوَنـِّـه بالغوا طيـَّـحنـِّـه=لو ما بغنـِّـه دبـَّـرن له مكيده
ضمـَّـن يتيم ٍ واحرمنـِّـه محنـِّـه=قالن نريده قطـَّعن في وريده
يا ويل ِ من هو في جفاهن رمنـِّـه=والعاقل اللي في صوابه يعيده
والطيـِّـبات اللي جرى يفهمنـِّـه=الذوق فيهن بالوصوف الفريده
الياسمين الطيب بالذَِكر كنـِّـه=ريح النـَّـفل والورد عمَّ القصيده