ياسوق الاسهم ليـش حـرب الابـاده=ساويت خلق آلَله صاحـي ومجنـون
وخليت عرضـك للمخاليـق عـاده=نـاس يزكونـك ونـاس يـذمـون
مافيـه مـن خيـرك رفايـه وزاده=جميع مـن طبـوا بسوقـك يعانـون
وكل ن صرفته عن هـواه ومـراده=حتى الضعيف اللي مسيره على شوون
ميت وعينـه مثـل عيـن الجـراده=يرقب هواميـر الربـا وش يسـوون
ياللـي تعبـدون الدراهـم اعـبـاده=الله علم فـي الآخـره وش تلاقـون
لاصار ربـي ماكتـب لـي سعـاده=وش عاد لو مالي مثل مـال قـارون
بالعكـس يمكنـه يـزيـد النـكـاده=ويهدني واصير مـن دون فـي دون
وياللـي ورا الدنيـا تريـد الزيـاده=ماسرت النمـرود قبلـك و فرعـون
اللـي لهـم فيهـا نفـود وريــاده=راحوا وكنهـم فوقهـا لـم يكونـون
واحد من الباعـوض وصلـه نفـاده=وواحد هلك مع درب موسى وهارون
وياللي طلبـت العلـم هـاك الافـاده=لاصرت متريـح ولانـي امشطـون
وفيني القناعـه والـوَرَعَ والزهـاده=ومتعافي وساترنـي امكـون الكـون
فحتى لو اسكن تحت عـود الكـداده=في خاطري تسـوى ثمانيـن مليـون