طربت ولا طربت البارحه صوبتها واخطيت=بعد ما سحرها تغلغل وابت مالموت تحييني
زفرت وزفرتي كانت ببيت فيه انا شليت=الا ياعاشق الغيدا حصلك مثلما فيني؟
وردت بالنظر تسخر والا بعينها تشافيت=وهيه مادرت بالطب نظرتها تشافيني
بغيت احكي وخفت ابديلها ماعنها اخفيت=تحملت ودعيت الله بهواها لا يعنيني
غنوج لي حكت ثم اضحكت ما رايت=تطيح مالسما طيره وهذا كان مشقيني
واذا سارت تهز قلوب ياقلبي لها انهزيت=تبختر كنها ذاك الغزال بشعر لاتيني
سلبت عقلي وانا اللي قيل إني عاقل وعديت=سنين الطيش وعقلي سار بالحاجات يفتيني
خذيت من النظر فيها تقولون اني تمشيت=قسم بالله ياشعري عجز معها يماشيني
اذا لفت يمين بلا هدى معها انا لفيت=فقدت السيطره بنفسي بنت الـ ايه تغويني
تبون الجد ملعونٍ ابو المكياج والتوليت=وابو لبسٍ عليها كان غير لي موازيني
وعسى اللي ماعذرني اليوم يعاني الذي عانيت=ويرجع يشتكي مثلي وفيه الله يوريني
ابي اعرف كيف يتبرا وانا من قبله تبريت=ابي اعرف كيف يمدحني اذا نيته يهجيني