على المرفأ بقى المركب حزين وخاطره مكسور=تمسّك في حبال المرفأ00ووْخوفه تراتيله
واشوف البحر يصرخ ، والنوارس حالها مذعور=تقبّل وجنته مرّه00ومرّه تندب الحيله
حزين الصبح00والساحل تنهّد00عادته مسرور !!=وش اللي صار للساحل تسابق للحزن خيله؟!
ذهولي00دهشتي00غابت صباحات الأمل والنور؟؟=إذا هذا الصباح ، الله يستر وش هي الليله؟!
ومديت النظر نحو السماء وصوتها المأسور=اباتأمل00ولكن البحر زادت مواويله!
جرحت البحر بالنظره؟ سؤال بداخلي ، ويدور=قبل ماانطق سؤالي 00حارسه جاني بتأويله
وباح الساحل الوافي وبيّن خافي المستور=وانا حزني يسافر بي 00وانا حزني أناديله
جريح البحر من حربة سحاب أقفى00وهو معذور=بعد ماآمنه00خان السحاب وبان تنكيله
تخيّل 00كثر مامد البحر من كفّه الميسور=كثر ملحه أخذ منْه السحاب أعذب تفاصيله
عطاه العذْب يحسب هالسحاب يْقول له مشكوور=ويعطيه الغلا لاجار وقته في مقابيله
ولكن السحاب أقفى00بقى بحر العطى مقهور=يشيل الملح في جوفه00ضماه اغلى محاصيله
يسولف للمراكب عن حكايات الألم والجور=عن كفوف الأماني يومها صلّت وتدعيله
وانا ماغير اضمّه واتنهّد ، وابكي المغدور=واسولف للمرافئ عن حكاياته 00وتبكيله
عرفت الحين ليه المركب اللي باقي ٍ (مكسور) ؟=عرفت الحين ليه البحر وامواجه تراتيله؟
أتمتم بالإجابه00وانحنى راسي00بدون شعور=مشيت وقلت اباصل قبل ماتاصل لك الليله