البارحه سهران لأجل أتصالك = إلين فاق الديك وأطلق صياحه
معقوله! (أحمد) ماطرالك ببالك = ولا عطيته لأجل صوتك سماحه
باخل عليّ (ألوووه) .. تسبق سؤالك = يزيد قلبي في (ألوّك) شراحه
أن كان باخل في رصيدك ومالك = وسيلة الإرسال تعطي إتاحه
(مسّجني) ياحلو المسج برتجالك = وأنا أخيل الفكر .. ضيق المساحه
جابتلي (ضغط النفس) صورة خيالك = أزحف لها جندي بوضع أنبطاحه
قلي أمانه منت ناوي وصالك؟ = يرضيك قلبي ما يذوق أرتياحه
أعطف بقلب ٍ ما يدوّر بدالك = وده يذوق العطف بأحضان راحه
لو ترضى في جيّت قليبي مشالك = يمشي و لا غره محل أستراحه
أسمع تراني بين ميّت وهالك = كني غريق ٍٍ ما يجيد السباحه
أنقذ مولع في يمين أتصالك = أكلمك والديك يوقف صياحه