ياغايـب عنـي وانـا مغـرم فيـك=ابيك تعرف غيبتـك كـم ضررهـا
خلك معي واخذ من العمر واعطيـك=يالي تساوي مـن عيونـي بصرهـا
يفـز قلبـي كـل ماحـل طاريـك= والعين تذرف دمعهـا مـع سهرهـا
لو هو بكيفي لجبـر الوقـت واجيـك= يهنى العمر والعيـن تشبـع نظرهـا
ولو هو بكيفي لحرم اهلـك تلاقيـك=وتكون وحدك شمس كوني وقمرهـا
عليك كلـي مـع حواسـي تناجيـك= انـا اشهـد الله بالمحبـه ومـرهـا
لاواهنـي اللـي بقربـك يحاكـيـك= لاواهنيـه شـاف فرقـة نحـرهـا
وعيونها توصيـف للزيـن اماريـك= غرقان انا في وسـط غبـة بحرهـا
لارخت هدبها طـاح مافـي اياديـك=من طول رمـش ظافـي لاستـرهـا
وكن الشفايف جمر حمـره تناديـك=ياسعـد منهـو ذاق طعمـة ثمرهـا
والا الشعر اشقـر بطولـه يغطيـك=كنه خيوط الشمـس تستـر ظهرهـا
والجسـم رويـان بزولـه يسلـيـك= لاقبل حسدت الارض بشعور اثرهـا
مافيـه زول زود حسنـه يحالـيـك=ماشفت مثلـك فالبـوادي وحضرهـا
باخر قصيده لي بوصفك انا اهديـك=من عقبها حرمت بدع الكتابه وامرها
خايف قصيدي عقب مدحك يجافيـك= وعقب الكلام العذب يجـرح زهرهـا
وفختامها بقـول انـا حيـل مغليـك=اعداد همال المزون ونبت يانع شجرها

المشاركة الأصلية كتبت بواسطة شيخة الشيخات . . جمال الحرف / .. وموعد مع العذوبة على متن غيمة شجن .. ترحل بنا من وطن محبة للوحة جمال سبحان من أبدعها وهنيالك بغلاه وحالي اوصوفه ../ وهنيالنا نحن بوجود هالعتيبي بينا . لاخلينا منك ولا من سحايب مزونك .

المشاركة الأصلية كتبت بواسطة ونين اخي جمال العتيبي وجدت نفسي حائرة في اياً من الابيات التي اعجبتني كل بيت اعذب من الثاني،سحر،عذوبة،جمال في المفردات لله درك اجدت عزفك للحروف،تشرفت بمعانقة رائعتك و التي بروعة حضورك تقبل خالص تحياتي اختك ونين