جتني تهـزع تـدرج الرجـل برفـوق=تقصر خطاهـا غـي مـا هـو جهالـة
وآمنت يـوم الـزول بالعطـر مسبـوق=إنـي وقعـت بشركـهـا لا محـالـة
تقفي التفاتة حورهـا شبحـة(ن) فـوق=حتـى بنظرهـا فـي حورهـا شكالـة
في كل لون تلوق ذنـب لهـل الـذوق=يا عوق راع الـذوق يـا بـري حالـه
ياللـي ملكتـي قلبـي بختـم موثـوق=قلبـي فدايـا راسـك بـكـل حـالـة
لك بالغزل حاولت فـي كـل طـاروق=ليـن أستـوى مسحـوب يـا لا للالـة
وغنيت في نوفك علـى كـل مخلـوق=شعر(ن)ٍشقى بالوصف حتى أنثنـى لـه
لك جـو ألاقـي نشوتـي فيـه وأروق=مثل النسايـم فـي ضواحـي صلالـة
همس بهدوء بساعة(ن) تبعـث الشـوق=تروي عطش خـل (ن) فـداك بحلالـة
يا عل رجل (ن) ما تواصلـك للعـوق=لا صار خلـك مـا رفضتـي وصالـة
وإن صار خلك روح وعظام وعـروق=أمـا أوصليـة أو سلميـلـه حبـالـة
يا عـاد لا حضـرة ولا فيـه مفهـوق=يعنـي خفوقـي مـا لـه إلا خيـالـة
يا من يلاقي في دجـا الظلمـة شـروق=وعيونه أصدق لـو كـذب فـي مقالـة
لا يا كحيل الطرف ما نيـب مسـروق=فكـري ولا عمـره يخيـب أحتمـالـة
من يوم شفتك داخـل السـوق مرفـوق=شايـف نمونـة شايبـك فـي عيـالـة
من حينهـا فقـدت أنـا غفـوة المـوق=والقلب وسط السـوق وش مـا غدالـة
مدري وش اللي ساق رجلي على السوق=وأنـا أدري إنــه للمـزيَـن وكـالـة