ماتفيد الحبابة لاقتلت الضمير=وماتدوم الشراكة مع وجود الخصام
ولاتقول انصحوني ذاك أمرا ًًُ نكير=دام قانع بوضعك وش يفيد الكلام
ولاتحرّى عطايا من يدين الفقير=والبخيل إن طلبته ماعطاك اهتمام
صح مابالمحبة يوم نعشق مشير=لانه القلب حاكم والقضية غرام
المحبة رزيلة لاكبير وصغير=كلهم وضع واحد الخدم والعمام
والهوى لو نعافه ماتركنا المسير=بنت حواء قوية وابن آدم يلام
ندري الدرب مايل لا ولا نستخير=وندري إن كل وقته ليل حالك ظلام
والمصيبة صغير ٍ قايد ٍ له كبير=جالس ٍ وسط قلبه ماحشم له قيام
من طرف لاتقول إن العلاقة تصير=بالهوى لاتدور يالمعنّى احترام
بالهوى القلب يعمى لو يناظر ضرير=والعيون البصيرة بالمحبة تنام
كني اللي على الله ماسك ٍ في بصير=خذ بيديني وربك يالمودي سلام
اعترف لك صراحة بالحقيقة اسير=لكن القلب يكره مثل عشقه تمام
والا انا لو بيديني كان مبطي بخير=يوم عنيت قلبي واستبحت الحرام
واحمد الله عتقني من سموم الهجير=وانت دور وتلقى من يطيق الحطام
الغلط يوم اخاشر بالمحبة فقير=والخطا من يحاتي قلب ميت غرام
خذها مني صراحة من كلامي الاخير=الحقيقة كرهتك هذا هو الختام