يا منظر(ن) شفته بشاطي غزّه= اثّر بقلبي وذرفنّ اعياني
من هـولــه احدث في فوادي هزّه= شنيع عرف ومعرفه وادياني
في حزة(ن) لا عادها الله حزّه= فيها من التحقير والخذلاني
المعتدي يالعن أبو من دزّه= يم العوايل يطلق النيراني
ذبح الاوادم مثل ذبح الوزّه= ياوينكم يا هيئة الإنساني
تحركوا لا رحم أبو هالرزّه= ياطيبكم لو ينقتل حيواني
لاجل البهائم تسرعون الفزّه= أو دم يهودي أو دم النصراني
أما دم المسلم فيكفي قزّه= بالعين ثم يحال للنسياني
يا المسلمين اللي تبون العزّه= تمسكوا بالمنهج الرباني
المنهج اللي طاهر(ن) ومنزّه= هو حل واحد ما يبي لــه ثاني
حبل(ن) مع الله ماحد (ن) يجتزّه= لو يجتمع شيطان لانس وجاني
تصبح عداكم في الذرى ملتزّه= متى اجتمعتوا كنكم بنياني
ما أطيب بعضكم عند ضرب المزّه= والفول والحمص ولحم الضاني
وارواحكم و أموالكم مبتزّه= في كل وجهه مالكم من شاني
يا أمة بإسلامها معتزّه= من لا مسك باركان دينه هاني