وش آخرتها يا هوى البال ويّاك=معقول ما همّك مشاعر صحيبك
أمضي حياتي منتظر و أترجاك=علّ و عسى بعض الليالي تجيبك
متشفقٍ قولة (أحبك) من شفاك=تاطى على قلبك و تذكر حبيبك
الظاهر اني واحدٍ من ضحاياك=مالله كتبني يالغضي من نصيبك
ما أظني أبقى في الحقيقه بليّاك=محروم من شوفك و عطفك و طيبك
الله يصبّرني على طول فرقاك=إن كنت منك هناك و إلا قريبك
ما غير أداري رغبتك و اتبع رضاك=أقرب قريبٍ لك و كني حريبك
بأترك مجاديفي على شط ذكراك=مهما يكون الحال ربي حسيبك