يا معديها على الحق المبين = دون حقي ما افرط بشعره
ادحم الماقف على الجنب المتين = واجتمع لاشفت ناس مبعثره
متزن واسعى لـجمع الغانمين = علّني آخذ من الجمع ثمره
ماعلّي دين ٍ ولا اداعي بدين = اغلي الجزلة وادوّرها دوّره
كل طيب في لزومي مايبين = اقعد ادور عذر لين اعذره
ومن كفاني شره وقوله رزين = كّنه مسوي جميل ٍ أذكره
احذر العاقل وادسه للسنين = لكن الجاهل اكبه واحقره
وأفرح برجل ٍ معه علم ٍ يقين = كاتم سدوده وحافظ مظهره
واغلي الرجال لا مد اليدين = للكرامه رغم صكات ادهره
وأفخر برجال لحمياه عين = كل مكسور ٍ من الربع اجبره
وأنقد الرجال ابو ملسن سنين = كان كل وادي على الدرب احدره
وأهمل الرجال لاشفته يلين = بارد ٍ وجهه ولافيه انعره
واكره الرجال لابيّن حسين = مير سوس الحسد والحقد انخره
واحقر الرجال لاشفته لعين = شابع ٍ من طيب رجل ٍ وانكره
ودم ضرسي .. من نخوه الطيبين = بطيب يقدر له وجاوب مقدره
التجارب علمتني لين .. لين = قمت اميز بإندلاع الثرثرة
عّلم جنبني اصد عنه يمين = وش علي من الورق والمحبره
دام ما بالسالفة عّلم ٍ سمين = ما أناقش في علوم امكسره
أجعل إذن ٍ طين وإذن ٍ من عجين = في حضور اصوت خبث امعمره
السوالف بعضها مثل الكمين = تطرح الرجال وتجيب اخبره
ردها عني وقل درس ٍ ثمين = لعنبو رجال من غير اثمره
والله ان اتفه رجل يامسلمين = من يسلم لحيته سلطة مره

صح لسانك



مبدع



متمكن




اطربتني وامتعتني ..


هنا قرأت جمالا



تقبل تحياتي

المشاركة الأصلية كتبت بواسطة مزون المحمد . . السوالف بعضها مثـل الكميـن تطرح الرجـال وتجيـب اخبـره ردها عنـي وقـل درس ٍ ثميـن لعنبو رجال مـن غيـر اثمـره والله ان اتفه رجـل يامسلميـن من يسلم لحيتـه سلطـة مـره بدر الحنيف حضور رائع تشرفنا به فأهلاً وسهلاً بحروفك قصيدة ( ثمرة ) أولى لنا .. صح لسانك ألف ولاهان حضورك المميز