والله ياهو حب اشغـل حياتـي=أمنين مالديـت عينـي أشوفـه
في صحوتي وياي حتى فمباتـي=لا من غفت عيني لفتني أطيوفه
أمن الغلا فالحلم أفرش عبااااتـي=وأجلس أنا وياه وحظن أكفوفـه
أقول يانفسي من الشوق هاتـي=دامه لفا للقلـب أغـلا ضيوفـه
أجيبله تعبير مـن عمـق ذاتـي=لحظه مع الغالين ماهي حسوفـه
وأقول أقراء ماكتبـت وغلاتـي=صوتك عطا للشعر أجمل حروفه
ياليتنـي ويـاه ياليـت ياتـي=او ليتني لعبه بداخـل ارفوفـه
او ليتني برواز صورة غناتـي=في غرفته لادش عيني تشوفـه
طيفه معي ماغاب حتى بصلاتي=يالله على هالحب مقوى سيوفـه
حدتني أظروفي وأمي وخواتـي=وأدري بعد أنه تحـده ظروفـه