يا جار بوي الله يجيرك من العوق = والله يجيرك من صروف الليالي
عانقت روحه يوم جت صاعده فوق = يم الولي ربي عزيز الجلالي
يا بو علي قلبي لفرقاه محروق = الله يعطينا عليها احتمالي
بشرتني انه نطق خير منطوق = قال الشهاده ثم شد الرحالي
راح بطريق للمخاليق مطروق = والحمد للمولى على كل حالي
يا خويه العاشر ويا خير مخلوق = من بعد ابوي انته ترى راس مالي
لكنك الاول بشمس لها شروق = كنت لابونا من كريم العيالي
اخوتَّك ما جت هدية من السوق = جتنا ببرك له وطيب الفعالي
يا كامل الاخلاق والطيب والذوق = تبقى بطيبك عايشٍ في خيالي
يحيى عسى تحيى على الطيب موثوق = وتبقى الصديق المستقيم المثالي

المشاركة الأصلية كتبت بواسطة مشاعل ابراهيم الله الله عليك يا سعيد قصيدة رووعه من شاعر ولا اروع ابهرتني برائعتك بما فيها من جمال وابداع لا يسعني ان اقول الا صح قلبك وكلك يالغالي وتشرفت كوني اولى المعانقات لهذه الرائعه واسمح لي ان انحت اعجابي هنا ولا تحرمنا من جديدك دمت بألف خير