منتديات منابع الأدبية - والله اني أدري انك / تعشق دموعي / وتشتهي ظماي فيك وجوعي ........ روح المنابع

منتديات منابع الأدبية (http://www.manab3.com/vb/index.php)

- مسَاحَة بوح دافئِة (http://www.manab3.com/vb/forumdisplay.php?f=9)

والله اني أدري انك / تعشق دموعي / وتشتهي ظماي فيك وجوعي ........ روح المنابع


	http://members.lycos.co.uk/ma7roomad...normal_123.gif . . أدري .. والله اني أدري انك / .. تعشق دموعي وتشتهي ظماي فيك و جوعي أنت تدري .. ؟!! لا لا والله ما تدري بي ولا مشيت بين ربعك ساهي ولا كلموك أهلك تناظرهم وقلبك مع الأشواق / لاهي ..!! والله لي ما تدري بي . ولا عمرك ناديت غيري وطاح اسمي من شفايفك ولميتني وله / ولا ودك حد شايفك ولا سرى ليلك وانت تنتظر نومك / وتهذي بي .. !! لا/ ما تدري بي http://members.lycos.co.uk/ma7roomad...ding/98798.JPG ما وقفت في يوم في قيض وسموم تبرد و تعرق تشهق / وتذري بي تجمعني غيوم وتسهرني نجوم ولا بغيت تنام ..؟ تتلحفني ولع / وتلتوي بي ..!! تحلمني لغيومك وسم وتمطرني لهمومك حلم وتداعبني و تقهرني طفلة تختبي منك تحت معطفك وتغفى بين ضلوعك لهفة ..!! وبدلالها تتغنج و ترشفك . عن عيون الكون و لا أهل الحسد يدرون تلمني يا أبشع حنون و تضمني على صدرك من ويل هجرك التجي منك فيك كلك تسرقني مني وتسري بي ..! و آه كل هذا ويا قو قلبك ..؟ ولا تدري بي ..!! تدري ليش / ..؟!! لأني أنا اللي أدري بك . أحسك أتنفسك و أهمسك عن الدنيا عن نفسي أرحل و أهجر عمري و أبتدي بك / ..! لي تنفست ..؟ يختلج صدري .! لي ضحكت .. ؟ يكتمل بدري . ! لي التفت .. ؟ كني مدري أنا بالوجود أو .......!! أمممممممممممم ما ادري ..!! أدري بك .. نعم / وحدي بس والله أدري بك .. و خابرتنك .. في ابتسامتك و نحيبك . http://members.lycos.co.uk/ma7roomad...ding/98798.JPG لي عرقت .. ؟ ينهمر كفي عطر ويمطر جبيني جمر ..! لي مشيت .. ؟ صحت و بكيت / تدري ليش .. ؟!! لأني ودي انك على صدري وطيت وكسرتها ضلوعي وآلمتني / و أوجعتني و حرمتني أوجاعي منك / غفوتي وهجوعي .!! وأدري بك .. انك تغفو بيوفي وتسوى ناظري و دنيتي و شوفي واني أشتهي منك عذابي وكثر ما عذبتني .. ؟ أبشرك / .. ما هو بكافي حتى لوهلكتها ظلم و قسوة منك شغافي . http://members.lycos.co.uk/ma7roomad...ding/98798.JPG أدري بك وودي كلي من جراحاتي ألتجي بك .. تلبسني ثوب وأشن على جلدك من شوقي حروب / ..!! أعانق نبضك الخافي و أروي من قربك جفافي وأقربك وأبعدك أوااااااااااه يا أنت ما أعندك تاخذني عن نفسي وتسافر بي تهجّرني في عيونك وعن عيوني تحجبني وتبطي بي / ..! ما قلت لك انك ما تدري بي .. ولا عمرك عن قلبي وحبي دريت .. !! انا بس اللي انتهيت من يوم في موت حبك / ابتديت . ولا تدري بي ولا عمرك دريت / ..!!

شيخة الشيخات

ما أجمل ان يدري

ليته يدري

ليته يدري

لكن بين أن يدري أو لايدري لافرق عندك

ما دام انك تدرين

ومادام أنه يحس بك رغم التفلت من خيوط الشوق الوله

ثم ماذا

ماذا أقول عن بنت ترسم الحب كما ينبغي

وتذر على أعيينا سحر المفردة

شيخة الشيخات سلم قلبك وقلمك

أخوك سلطان الأخيل

اقتباس:

المشاركة الأصلية كتبت بواسطة سلطان السبهان

شيخة الشيخات

ما أجمل ان يدري

ليته يدري

ليته يدري

لكن بين أن يدري أو لايدري لافرق عندك

ما دام انك تدرين

ومادام أنه يحس بك رغم التفلت من خيوط الشوق الوله

ثم ماذا

ماذا أقول عن بنت ترسم الحب كما ينبغي

وتذر على أعيينا سحر المفردة

شيخة الشيخات سلم قلبك وقلمك

أخوك سلطان الأخيل

سلطان الأخيل

سلطان الأخيل

سلطان الأخيل

سلطان الأخيل

يااااااااااااااربي ياعلني مااعدمه هالأسم
والله اني أقول ريحة هالحرف أعرفه
وله مكانة يحدثني بها قلبي ..!!

بومايد الله عليك وعلى حضورك الغير
من فقدتك هناك وأنا فاقده نبض
لا أستطيع الإستغناء عنه أو نسيانه

مازلت يا قيصر العشق
تزرعنا جوري
وتنثرنا نجوم وسن على هامة الليل
وتغزل المحبة شال حنان تلجأ له أكتاف القلوب
المتعطشة وفاء .

أمنتك أمانة يا الأخيل لاتبتعد
بقربك تولد الأحلام أحرف
وتزف الأماني قلايد .

كن بالقرب / ينتحب الحرف إبداعا بين كفيك .

شيخه الشيخات

مادريتي
والا لو عمرك دريتي
ماكميتي واحتميتي
والصراحه
ارتميتي
واكتسيتي \احتسيتي
مدري وشهو ؟؟
ادري اني نسيت ولاذكرت انك نسيتي
ياسفينه فوق موجي مارسيتي لو رسيتي
ما بديتي وانتي توك انتهيتي
شفتك اللي مقبله كلك وله
من وقفتي حتى اخر خطوه بنبضي مشيتي
اعترفلك
انك انتي قد فعلتي بي
جميع اللي خطر لك واشتهيتي
مادريتي
انك (بكلي)
مشيتي
وانا من بعضك
نصيبي ما احتويتي
ارجعيبي معك مره ثانيه
طالبك وان كان جيتي
لحظه .. لحظه
فدوتك
كل من بعتيه لجلي واشتريتي

ايه ياشمسي
بها السرعه
سريتي وما احتريتي
نصف شهر يمر حتى من الثلاث البيض
نلتي واقتضيتي

وابرك الحزات حزه يوم عدتي بي وجيتي
وانتهيتك وابتديتي

شيخة الشيخات
اكتبيني كثر ما انتي قريتي
واشطبيني كثر ما انتي قويتي

واهدميني ودمريني
والله ان البيت بيتي
بيتي بيتي
وفيه بيتي

العفو سيدتي

بل حرفك الذي رسمنا هنا وهناك

وزاد الأبجدية روعة وحضورا

دمت لنا أختي شيخة الشيخات

.

.

ليتني أجد مايفي روح المنابع حروفا"

وكلمات ؟!

سأكتفي بالصمت والإستمتاع بروعة

وجماليات هذا المتصفح الذي إزدان

بإبداع روح المنابع / شيخة الشيخات

.

.

شيخة الشيخات

وملكة الحرف

صاحبة التميز

نجمة لامعة بقلب عاشق

أميرة بروح القلم

أحرفك شذارات لامعه

هنا وهناك كالبلورات

رائعة غاليتي

شيخة الشيخات

أميرة القلم

وروح العذب

كلمات اطلقها قلمك

كرحيق نرجس بكبد السماء

وكلحن المحبين بفصل الربيع

أبدعتي وتألقتي

يُقال الهمزة أعمق حروف

لغ ـتنا في صدورنا..من حيث م ـخرجها..

ولان كاتبتنا تجذب كلم ـاتها

من عم ـيق جوفها...

فهي ترسم لنا تراتيل وفــــاء

بشج ـن دام ـي لايتوقف ..

الجميله/شيخه..

دمتِ بنقـــاء

اقتباس:

المشاركة الأصلية كتبت بواسطة نايف الروقي

.
.

أٌلجمت حروفي
وتستدعيني على عجل جحافل من بكاء
و تحثني بالإسراع
سحايب من دمع ..!!!

أعطني فقط كفيك يا عذب الحرف
أببكي وجع فيها .