|
شؤونك الصغيره
تراك تْغيب ماتدري وش اللي صار بغيابك وتطيش وينولد فجأه على صـدر الوصـال غيـاب ويشغلنـي مـدى طيشـك وتهميلـك لغيّابـك ؟؟ انا اللي ماعرف يضحـك وحـاول ليـن فمّـه ذاب كثـر ماذابـت انفـاس الصبـاح بطهـر عنابـك تريّع والهجر يفتح علـى وجـه المسـاري بـاب وا نا ماني بضيف ٍ لـه؟ مدامـي ضيـف لهدابـك علامك ؟ قلت لـي مـره بأنـك للوصـل جلبـاب ومن يومـه وانـا ماشفـت لاوصلـك وجلبابـك صغير السـن مايهـدم طمـوح ويربـك الألبـاب سوى اللي مثلي متعافي وشاف الياس متشابك ؟؟ إلى منه مشى يـدري بأنـه لـو مشـى ماجـاب سوى دمعة وتصفيقة يدين وجـرح ماصابـك ؟؟؟ وإلى منه حضن ياسـة وقـال ان الهـوى غـلاب كأن الموت يمشي به عسـى حبـي تمشّابـك ؟؟؟ احبـك والله ان حبـك يثـوّر فينـي الاعـصـاب اجل ماتذكر اني يـوم كنـت اهـدّي اعصابـك ؟؟ تعـال ونـادم القلـب الحزيـن وطيّـر الأتـعـاب عن اللي لو كثر حزنـه ماقـال الحـزن بأسبابـك عساك تْعودلي قبل الغيـاب ؟؟؟ وتفهـم الأسبـاب وعساي استوعب حضورك قبل مامـوت واحيابـك وعسى مايراودك شكك بعاذل وان صـدق كـذاب ؟ وعسى قلبـي إلـى منـه تلاقـى فيـك يلقابـك غلا صادق مثل طبع الكرم في قلـب طيّـب طـاب ووفا ناضح من الخافق ويغفر ذنـب مـن جابـك لأنك فكر يغريني علـى جبـر القصيـد ان شـاب ولأنـي ردة الفعـل الجميـل وفكـري ماتابـك ؟؟ احبك والحروف اللي ماهي بحاجة إلـى الاعـراب ( تراك تْغيب ماتدري وش اللي صـار بغيابـك ) ؟ |
:
باتل عبد العزيز لي الشرف ان اكوون اول من عانق هالرائعه .. بجد روعه يعطيك العافيه ..صح لسانك أحترامي .. . |
أخي باتل عبدالعزيز
رائعه القصيدة ، قمة الروعه صح لسانك واعتلى شانك دمت بخير |
. . شاعرنا باتل عبدالعزيز . . صح لسانك وجاد بيانك على هذه المعزوفه الرائعه بروعة حضورك وتواجدك والتي انستنا عتب الغياب . . . . رائعه كان لي شرف معانقتها والتواجد بهذا المتصفح . . . . . دمت ودام حضورك المطر . . . . . . تقبل فائق التقدير والاحترام |
إلى منه مشى يـدري بأنـه لـو مشـى ماجـاب
سوى دمعة وتصفيقة يدين وجـرح ماصابـك ؟؟؟ باتل عبدالعزيز عذبة .. كتبت بحرقة وألم لله درك وصح لسانك دووم |
أخي الغالي / باتل عبدالعزيز ..
صح لسانك على هذه القصيدة العذبة وعلى هذه الاحاسيس الأكثر من رائعة وتقبل خالص تحياتي وتقديري أخوك / قديم الشوق |
لله دررك على هذه الرائعه
قصيده جميله وأكثر صح لسانك ولا هنت يالغالي كل الود |
صح لسانك وجاد نظمك لاهنت ولاهان راسك تحياااتي |
باتل عبد العزيز . . . شاعرنا المبدع صح احساسك ونبضك نص راقي جدا كل الود لقلبك إيمان |
الغياب ذلك اللون الحزين من ألوان مصادفات حياتنا الغياب تلك الآهـ التي لا ترضى أن تخرج بل تبقى بكل آلامها الغياب ذلك اللحن المؤلم الذي تعزفه أيامنا باتل عبد العزيز قصيدة لم تعطينا مجال للكتابة او التعليق فهي أيقظت كل جروح الغياب التي في يوماً من الأيام ضحكنا على أنفسنا وقلنا بأن جروح الغياب طااااابت ألف ألف صح لسانك ولا هنت على هذه الراااائعة انا اللي ماعرف يضحـك وحـاول ليـن فمّـه ذاب انا اللي ماعرف يضحـك وحـاول ليـن فمّـه ذاب انا اللي ماعرف يضحـك وحـاول ليـن فمّـه ذاب |
| الساعة الآن 01:07 AM |
Powered by vBulletin® Copyright ©2000 - 2026
