|
( موقف وهذره حرمه) :)
السلام عليكم كلكم ورحمه الله وبركاته
بقولكم سالفه الوقت يوم الخميس مساءً (أجازه رسميه) وانا مع صديق لي رحنا لاحد المطاعم المعروفه بالبلد عندنا وهو مطعم راقي ومشهور وبالطبع يكون مزدحم بس من كثر مانروح لهم يعاملوننا معامله خاصه بس وين المشكله ! الواحد طالع يبي يرتاح من أسبوع شغل والتزامات عائليه وعمليه وطالع يبي يغير جو مع صدقه وبيسولف معاه وبيقعد ساعتين او ثلاث باكثر تقدير وتطلع له (أم الاربعه والاربعين) ! طبعا ام الاربعه والاربعين منهي هاذي ؟؟ الله يسلمك وحده من البنات مع صديقاتها قاعده بالطاوله اللي قريبه مننا وتسولف بصوت عالي لصديقاتها وغصبن علينا نسمع لانه من المستحيل انك تتكلم والاخت هاذي تسولف فاصبح عليك الاستماع عنوه ! هاذي والله المشكله مانقدر نغير الطاوله لانه المطعم مزدحم وأذا كلمنا البنت هاذي قالوا شباب ويتحرشون وتعرفون انتم (كيد النساء ) طيب ماهو الحل ! شفت صديقي شكله متضايق حيل واهو حياوي بطبعه قلتله ننتظر يمكن تسكت اذا وصل الاكل اللي هم طالبينه ( يمكن تبلع لسانها ونفتك ) لكن المصيبه حتى لما وصل الاكل زادت هذرتها وأتصدقون مو كاسر خاطري الا صديقاتها مسكينات كنهم طرمان ماسمعت لهم ولا كلمه الا اهي تسولف عن الموضه وعن الملابس وعن القاهره وعن السفر (بالعه رادو) ومتى ما مسكت اعصابي ! لما شفتتها تتطنز على عايله دخلت المطعم لانه وياهم بنت متينه ! (فوق شينها قوات عينها) بهالوقت لم استطع اكبح جماح غضبي وحبيت انهي هذه المشكله لاني بصراحه برتاح ولنا الحق ناكل براحه واقدر اسولف مع صاحبي (والا شرايكم ) التفت عليها وقلت لها / ( عفواً لو سمحتي نبي ناكل ممكن ! ) قالت ( بالعافيه اخوي اكل انا ما منعتك ! ) قلتلها ( اختي احنا من اليوم ما نقدر نتكلم ولا نقدر ناكل من الازعاج الله يهداج احنا عرفنا وين سافرتي وشنو ملابسك اللي تفضلينها والماركه المضله عندج وصدقيني سمعنا غصب لانه بصراحه صوتك اكثر من عالي وماخلانا لا ناكل ولا نسولف فاذا سمحتي اشوي توطين صوتك) طبعا ملاحظه بقولكم احنا كلمنا المسؤؤل عن الخدمه وقلناله شوفلنا حل قبل لا اكلمها لكن رده مو ايجابي قالي (ياخيي شو بدي اعمل ) ! طبعا لما قلتلها هالكلام شفتها تغير وجهها وقالتلي ( اخوي انا اسفه اذا ازعجتك بس هذيل صديقاتي ومن زمان ماشفتهوم واعذرني ) قلتلها معذوره وخمس دقايق ماسمعت صوتها وطلعت من المطعم ولله الحمد انا قلتلكم السالفه بحذافيرها وابي اعرف رايكم بموقفي (ص ح والا غلط) وترى الحريه تقف عن حدود مضايقه الاخرين :) ودمتم سالمين بانتظار تعليقاتكم :) |
ههههههههههههههههه
خالد والله انا ميتة من الضحك ياعيني على البنت فعلا موقف محرج جدا بس ترى هي تلاقيها بس كانت متحمسة شوي بس انت اخجلتها جدا خالد موقف لاتحسد عليه تدري انا بقا حصل وياي موقف كان أصعب من موقف البنت دي كنا في السينما انا وااخواني وكان زوجة اخي ويانا ومعها طفلها الرضيع وكان لم يتجاوز الشهرين المهم الرجال كان وياه خطيبته ادامنا جالس وعايش وياها ملكوت الغرام والفيلم كان جميل والله ياخالد الا والاقي ابن اخوي طفل رضيع وراح اتقيأ بعض الحليب بيرضعه في قفا الرجال ادامي وياويلي من الموقف كنت بموت من الاحراج وربي بس الشاب طلع جنتلمان وبجد ماقال شي قال ياجماعة ده رضيع وعادي كل الود لك خالد إيمان |
:) هلابك خالد http://ccs.jeeran.com/p2.gif والله مثل هالمواقف تصير كثير بس نادراً تحصل أحد ياخذ موقف يطفّي فيه (الراديو :)) مثل ما إنت سويت وبيض الله وجهك ومحد يلومك وسويت الشي اللي المفروض يصير وبالخطوات الصحيحه وزين بعد هالبنت طلع فيها شوي دم وحست إنها كانت ناسيه نفسها ! . (إيييه يابوغلا .. الزمان غير الزمان) الله يعين بس !!!! http://ccs.jeeran.com/p2.gif احترامي |
أقول يا خالد إشوا إني ما أدخل مطاعم عوايل لأنك لو داخل لحالك ماراح تقدر حتى تهوجس من الإزعاج :confused: إما أهلي يدخلون لحالهم و لا نجيب الأكل لـ البيت و ماعندنا إختلاط طبعاً يعني مرتاح من النوعيات هذي :D يعطيك العافية و لا تتردد المره الجاية في طلب مساعدة إذا أزعجك أحد ;) تحياتي |
والله يا خالد البنية تستاهل
وانت كنت ذوق معها ،، يعني منت غلطان ايمان في احد ياخذ اطفال للسينما :mad: وعلى فكره في شباب تكون قاعده بمطاعم او في coffe shop وتتقصد ان الناس تسمع كلامها ،، ما ادري من باب الفشخره ، من باب التباهي او استخفاف الدم بس ماعليك انت صح |
اقتباس:
قفا بالحليب ;) هههههههههههههههههههههههههههههههههههه بجد ايمان ابن اخوك عمل موضه جديده ( قفا بالحليب) :p الحمدلله يا ايمان انه فيه ناس تستحمل والا كنا نتقاتل في شوارع العرب ايمان كل الود لحضورك المبهج دائما غاليتي ولاعدمتك ولاعدمت نغمك الممتع |
اقتباس:
الصديق الغالي بسام مرحبا يابو الغلا :) والله يابسام (الرادو) كثير هالايام والله يستر منه خصوصاً بالاعياد هههههههههههههههههههههههههههههههههههههههههههه لكن ماعليك عندي بطاريات تقطع الارسال :D بسام حضورك بالطبع له مكانه بقلبي يابوغلا ولا عدمتك يالصديق الغالي |
اقتباس:
الجميل دائماً فهد الدباسي والله يافهد عندنا بالكويت خصوصاً المطاعم الفايف ستار الجديده للاسف القله منهم تجد فيها اماكن للعوائل كما هي الحال بالفنادق فالمطعم للجميع ولايوجد مكان مخصص للعوائل وابتلينا يافهد (بالبعض) من بلاعات الرادو :D الله يستر عليهن ويهديهن بس الدباسي مرورك عطر دائماً ولاحرمتك اخاً عزيزاً |
اقتباس:
والله ياوعد (الفشخره) هالايام عند البعض صارت بكل شي وياريتها جايبه همها عندهم :D يعني الواحد عليه ان يكون به ذوق واحترام لوجود الغير معه وعليه ان يعلم ان المطعم ليست (صاله بيتهوم :mad: ) اخذ راحتك وخل الناس ترتاح معك وعد مرورك العطر اسعدني ايتها المبدعه شكراً لك من القلب ولاحرمت مرورك الجميل |
:
أجل جاك صداع من هذرتها الله يكون بعوونك..بس الصراحه بعض الناس مايحترم الاماكن العامه واللي حووله خالد ماطر بجد اعجبني تصرفك.. يعطيك العافيه على هالسالفه.. أحترامي لك.. . |
| الساعة الآن 06:00 PM |
Powered by vBulletin® Copyright ©2000 - 2026
