|
دامـك رفيقـي لازم الكلّ يقرون ღ كيف الرفاقه ما يجيها تدنـّي
السلام عليكم باختصار البداية كانت .. رسالة جوّال ! واستمرت هذه الرسائل دون أن تعترف بالحدود والمسافات ! كانت هذه الأبيـات .. بيني وبين الزميل الشاعر القطري/ خالد القحطاني (وَجد الكتابه) بكُل بياضهـا وبساطتها هي بين أيديكـم http://ccs.jeeran.com/p2.gif خالد
قالوا رصيدك ! .. قلت تسعين مليون=لكن .. فقير إحساس من صغر سنّي وش كيف يا بسّام ! .. لا كيف وشلون=تجعل خفوقٍ مات .. يرجع يغنّـي ! بسـام
علّم خفوقك .. يعزفك ناي بالهون=وقلّه : ترى لحن الأحاسيس .. فنّي خلّه يجاوب ( كيف و شلون ) بلحون=وقِلّ : يا خفوقي جاوب الناس عنّي خالد
يا وجد حالي .. وجد وجدان مديون=مديون يا بسّام .. والدّين منّـي لولا الحيا والنّاس .. لا اصيح مجنون=وأرمي ثياب العقل .. في حلق جنّـي بسـام
يا وجد هوّنها .. وهي شرط بتهون=واسمع كلامي .. فيك لا يخيب ظنّي أكبر ديون .. ديون من يملك الكون=لا لا تأثر فيـك .. دنيا التمنّي خالد
يا صاحبي لو هي تفاكير وظنون=ما كان شيبات الحزن طاولنّـي من سقم حالي حتى الأغراب يبكون=وقبل الغريب .. دموع عيني بكنّي بسـام
يا عزتي لك يالخوي .. شيب وطعون=باول شبابك عشت منت امتهنّـي لكن تمنّى .. وابشر .. بقلب ومتون=آمـر .. وكلّي .. لك يجيك .. امتعنّـي خالد
أبغيك .. لا شفت الألم صار ( فرعون )=تجبر بخاطر .. من خفوقه يونّي حكيك .. سلام وبَرد .. وأمطار ومزون=يا جعلني مابكيك .. يا ضحك سنّي بسـام
خذني ( عصى موسى ) إلا صرت مغبون=إضرب بي همومـك .. وخذ ما فتنّـي وفيك المواجع .. لازم اليوم يدرون=إنك رفيقي .. وكنك اليوم .. كنّـي خالد
مشّعت خصلات القصايد يا شمشون=جيت أسكنك شعري .. لقيته سكنّي إحساسك اللي من جماله يصُـفّون=تسعين قبطي .. خلف تكبير سِنّـي ! بسـام
لجلك بخلّي .. واقف القاف .. يَمشون=ومَشّي اللي من حروفي .. عَصنّي وشمشون خلّه .. واترك إبليس ملعون=خصلات شعره .. لو بَغت .. ما قونّـي خالد
ممنون .. يا سيل الأحاسيس .. ممنون=بلسم حروفك .. حلّ قيدٍ سجنّي دامك رفيقي .. لازم الكلّ .. يقرون=كيف الرفاقه .. ما يجيها .. تِدنّـي . . وسلامتكم جميع http://ccs.jeeran.com/p2.gif ولكـم عميق احترامي |
صوت
وصدى من اروع مايكون :) بصراحه استمتاع شعري استمعت به من عملاقان :) ابوغلا لاهنت وصح كلك يابعدي :) والتحيه موصوله لصاحبك خالد وصح كلكم |
الله الله أبيااااااااااااااااات رااااااائعه
من شاعرين ولا اروع صح لسانك ولسان شاعرنا خالد القطاااني دمت بألف خير |
خالد ماطر http://ccs.jeeran.com/p2.gif هلابك يالغالي نورت بطلتك السمحه صح بدنك وعساك للجنه http://ccs.jeeran.com/p2.gif ودّي |
بسااااااااااااام خااااااااااااااالد لله دركما من شاعرين إجادة تامة تحتوي أحاسيس صادقة إجادة شعرية بحته مراسلة نتجت شاعرين مبدعين إلى أقصى حدود الأبداع هنا أجد الشعر الحقيقي سجلا إعجابي ومتابعتي عادل الظفيري وريث الجرح |
كنت أصفّق لا شعورياً على الإبداع والإمتاع كلمات راقية ... وإحساس جميل وبالطبع لا نستغرب ذلك عندما نعلم بأن هذه الكلمات صدرت من قلبين لم يحملا سوى الحب والحب فقط هما / بسام .... والوجد ( وجد الكتابة ) ألف شكر بسام |
مشاعل إبراهيم http://ccs.jeeran.com/p2.gif شاكر حضورك وتسجيل ردّك والروعة هي المشاركة دمتِ بود http://ccs.jeeran.com/p2.gif احترامي |
خالد
أبغيك .. لا شفت الألم صار ( فرعون ) تجبر بخاطـر .. مـن خفوقـه يونّـي حكيك .. سلام وبَرد .. وأمطار ومزون يا جعلني مابكيك .. يـا ضحـك سنّـي بسـام خذني ( عصى موسى ) إلا صرت مغبون إضرب بي همومك .. وخـذ مـا فتنّـي وفيك المواجـع .. لازم اليـوم يـدرون إنك رفيقـي .. وكنـك اليـوم .. كنّـي http://www.alnarges.com/up/uploads/a4c8e8dd1f.gif استوقفتي هالرسالتين بسام فيها مشاركة ومواساة نفسية بين الصديقين ولو مثل هذي الصداقة تشرى بالأثمان لما تردد الكثير واستمات في الحصول عليها لديك جوال مميز برسائله ومرسليها وليس برقمه بسام :D |
عادل الظفيري http://ccs.jeeran.com/p2.gif الله لا يهينك يالغالي ومدحك شهادة لا عدمتك شكراً لمرورك http://ccs.jeeran.com/p2.gif احترامي |
بسام .. سبق وإن عانقنا هذه الروعة لله درك .. ولله در وجد الكتابة وصح لسانكم جميع لاهنت على النقل |
| الساعة الآن 06:15 PM |
Powered by vBulletin® Copyright ©2000 - 2026
