|
المطبوعه 00وشروطها00وشعراء الميك اب !!
صباحك ورد ومساااااااااااااااكم عطر
يا أخواني واخواتي ماذا يحصل بالساحه الادبيه والشعبيه هذه الايام ! صدقوني وضع لا يحتمل ويدعو للاسف تخيلوا ( شعراء بالميك أب ) ! شاعر تراه وبصورته ملمع شفايف ومكحله عيونه وكريم اساس ! ( قولولي شرايكم 00بذمتكم مو عيب ماهي مصخره اللي قاعدين نشوفه) ! احدي المطبوعات ( مجله شهيره جداً ) هي المصدره لهؤلاء الشعراء وللاسف تدرون هالمجله ماذا تفعل ؟؟ بقولكم قصتها 000 المجله المشهوره هاذي طال عمركم تبيع نسخها بالسعوديه فقط (اكثر من سبعين الف ) نسخه طبعاً وهي مصدرها الكويت هذا طبعاً غير توزيعها بالكويت الامارات والخليج عامه وتدرون ماهي سياستها ( وضع صوره فنانه مشهوره00او مذيعه 00او شاعره 00طبعاً والتبرج شي اساسي ولازم تكون محبوبه للجمهور الشباب طبعاً عشان تنباع) ! وبعد بقولكم داخل العدد تشوف شعراء (الميك اب) واصدقاء المعد وشله الديوانيه وجيران نائب مدير التحرير واقارب المحرر الفلاني وغيره وغيره 00! وتدرون ماهي المصيبه (الكلام اللي بالمجله ) شاعر اول نص له او ثاني نص ويقولون عنه شاعر الجيل والاخر الشاعر العبقري والاخر بحر الشعر والاخر وتوهم ماصارلهم سنه 00! انا لا انكر انه هناك شعراء مبدعين ينشر لهم ولكن الاسوء اكثر والسياسه خاطئه والاسلوب فاضح (شاعرات بالجينز 00وشعراء بالميك اب 00 حشا مو أدب هاذي قله أدب !! يا اخوان صدقوني هذه المطبوعات ومن على شاكلتها تبحث عن الربحيه واقولكم تباع لها بالسعوديه فقط سبعين الف نسخه (يعني بذمتكم تبحث عن الجوده والا عن الربح !! ) الشي المضحك قال لي احد الشعراء الذين ينشرون بتلك المجله انهم يبحثون عن شاعر ليبرزوه تدرون ليش لانهم نفخوا بشاعر جديد بالساحه ولكنه ( لم ينجح ) == توهقوا لانه سياستهم كانت ننفخ بالشاعر حتى نستفيد من وراه اعلاميا ومادياً ( فلوس فقط هدفهم) وسووها مع شاعر قبله ونجحت ولم تنجح مع هذا للاسف !! وشروطهم اولا -- شاعر يكون شكله حلو ( مع الميك اب يطلع نانسي عجرم ) * ---------------- وياريت ايكون ابن قبيله كبيره ( عشان يساعد على البيع) ---------------- ويكون شباب ( لان المعجبات مايحبون الكبير بالسن) لما سمعت هالكلام صدمت كيف هو الوضع بالساحه !! يا أخواني واخواتي يعلم الله انه ليس هدف ولا مصلحه لا بالاعلام ولا بالساحه ولاهموني كلهم وليس لي عداء ولا كره لاحد ولكن الوضع مزري ووصل لوضع لا يمكن السكوت عنه00 اذكر منذ سنوات طويله كانت تنشر قصايد ل الشعراء الكبار مسلم البحيري وسليمان الهويدي ومرشد البذال والسديري والنصافي وسالم بن تويم واحمد الناصر لم نكن نسمع بهذه الالقاب التي تطلق على شعراء اليوم وهم لم يصلوا الى خُمس مستوى هؤلاء العمالقه فكان المتلقى هو الذي يحب هؤلاء الشعراء وابداعاتهم وحفروا اسمائهم بوجداننا باعمالهم وقبلها باخلاقهم الرفيعه 00 لكن الوضع الان شاعر شاب صغير بالسن وله علاقه (وقرب) بالمعد وتلقاه بالمجله وكل شهر واخذ مدح والقاب وثناء وكأنه صارله مئه عام يالادب الشعبي 00 ااخر شي بقوله; --( عيب ; في هذه المجله يوجد عدد من الصفحات اقل مايقال عنها عندنا بالبدو عيب عليكم ترى عندكم اهل تدرون وشفيها !!! طال عمركم المحرراو المعد يكتبله اسماء بنات وهميه وشباب ايضاً ويكتب ابيات للشعراء اصدقائه مثل يكتب بيت شعر (لشعراء الميك اب) وقبله يكتب -- امل اتقول حرام اللي سويته فيني يافهد !! ومرام تهدي هذا البيت ل خالد ويكتب بيت شعر للشلليله اللي معه 00! الله يستر علينا من الساحه وبلاويها ونتائجها على مجتمعنا ويكفي تراثنا شر هؤلاء عشاق تدمير الادب والربحيه00 ودمتم سالمين |
خالد http://ccs.jeeran.com/p2.gif يقول ممدوح الراوي ..
كتّاب ! .. ضعنا بزحمة أشباه كتّاب !=كِبرت علينا روسهم بالهذاري
موضوعك واقع مريـر أتذكر في لقاء على احدى القنوات مع أحد الشعراء المعروفين .. سألوه : ما رأيك في المجلات والقنوات الفضائية والبرامج المتخصصة في مجال الشعر والشعراء؟ أجاب : هذه القنوات والمجلات لا تقدم سوى 1% للجمهور .. لأنها لا تُظهر الشريحة المُستحقّه من الشعراء والمواضيع الهادفة إلاّ ما نَدر .. فهي تبحث عن الأعمال الرخيصة والركض وراء الرّبح والمَظهر بشكل جنوني دون السّعي وراء نشر ما يُستحق أن يُنشـر! واتبع كلامه بقوله .. ياخي المفروض هالمجلات والقنوات تركض خلف الشعراء والشاعرات اللي (يستحقون الظهور) ولو تدفع فلوس لهم بعد .. ليش لأ ! ما دام الهدف السعي خلف إظهار المادة الجيدة والصحيّة ؟؟ .. إنتهى وعنّي أنا أقول .. في هالوقت .. لا تشغل راسك خذ اللي يعجبك .. وإترك اللي ما يعجبك لاهنت http://ccs.jeeran.com/p2.gif احترامي |
الاخ الغالي
بسام بن عبد العزيز صدقت والله يابوغلا وصدقني يابوغلا الشي اللي يحز بالنفس ان هناك شعراء وخامتهم طيبه وممكن يكون لهم شأن كبير ولكن ضاعوا والسبب هذه المطبوعات ومعديها والقائمين عليها واعرف يابسام شعراء (بالاسم) يتشرف الشخص بقراءه روائعهم ولكن اين التقدير وللاسف الفرصه تتاح ل !! والله كلمه رجل شويه عليهوم ياخي شاب اتشوف وجهه كله مكياج !! شباب وابناء قبائل واجدادهم لهم تاريخ كبير بالتراث والعادات والتقاليد بجزيره العرب اصبحوا ملطشه بايادي المعدين ويطلع بصوره كل ميك اب ( ياخي استح على وجهك مافيك حيا ولا رجوله عشان تطلع بهالشكل) وحتى القيمه تفتقدها في نصوص هؤلاء الشعراء00 يابسام انا ما اعم والله هناك البعض من الشعراء نفتخر فيهم وبابداعاتهم وباخلاقياتهم ولكن للاسف هم قله 00 ولكن للاسف المنتشر هو السيء باخلاقه وبشكله المقزز !! وايضاً بانتاجه الذي لايشفع له ولو يسكتون هؤلاء والله اشوالهم يريحون ويرتاحون 00 واكرر ترى (خالد ماطر) ليس بناقد ويشهد الله علي انه ليس لي هدف وليس لي عداء مع احد وليس من ضعاف النفوس الذي يترجون من اشباه الرجال ولكن الشي الذي يشعرني بكسر في النفس هو مايحدث في الساحه الشعبيه عندنا والتي كانت مركزاً مشعاً لاثراء الثقافه والموروث الشعبي القيم في الجزيره العربيه 00 ابوغلا تشرفت بمرورك القيم ايها الوفي لاحرمتك ولا عدمت سيل قلمك ودمت بالف خير |
أهلاً وسهلاً بطرحك المتجدد ترحيب بقلمك شاعرنا وناقدنا الكريم : خالد ماطر سعدنا بمعانقة حرفك في ضيافة الفكر والنقد .. مرور أول ولي عــوده .. |
اقتباس:
مزنه منابع الغاليـــه بأنتظار هطول حرفك القيم :) دمت بكل ود |
سابقاً كان هناك مجله لكل بلد الآن مجله لكل قاريء أصبح عدد المجلات أكثر من القراء والمتابعين وللأسف لم يعد هناك الطرح المفيد الذي يستحق ان تشتري المجلة لاجله فلم يعد يُنشر سوى صور بكل شكل ولون وأصبح الشاعر يرسل الصورة قبل القصيده أما الشاعرات فحدّث ولا حرج يجب عليها الإهتمام بالصورة أكثر من إهتمامها بالقصيدة ومدى نجاحها وإكتمال عناصرها أصبحت المجلات تبحث عن الربح المادي دون البحث عن المادة المفيده التي تستحق التقديم للمتلقي لذلك أتجه البحث إلى ( فتيات غلاف ) يتم إستخدامهن للترويج للمجلة وزيادة عدد التوزيع دون أن يكون هناك هدف او مضمون للطرح خالد ألف شكر على ماتفضلت به لك التحية والتقدير |
الاخت العزيزه
حايره تشرفت بمرورك العبق وماقلتيه هو الواقع للاسف والله المستعان |
[size=5أخي خالد ماطر
ما كتبته هو الحاصل في هالوقت ،وبخصوص الميك اب مبين واااااااااااضح بوجوهم ههههههههههههههههههههههههههه الله يهديهم ويعقل عليهم ان شاء الله،ماخلوا شي للبنات ألف شكر لك ياخوي على هذا الموضوع الجميل والطرح الرائع كما عودتنا لا تكتب الا الرائع والمشوق فلا تحرمنا من مشاركاتك الرائعه تحياتي العطرة لك[/size] |
لأن الجمهور أصبح سطحي ومراهق ياخالد ظهر شعراء الميك أب
لأن الجمهور لم يصل لوعي ٍ يؤهله لأن يترك المجله لتجعلها تخسر حتى تقدم المضمون بكل صدق لم أشتري مجلة ً منذ خمسة أعوام حتى تلك المجلات التي نشرت لي ، والله لم أشتريها عزائي أن هناك من يقرأ المضمون دمت بحب |
اقتباس:
الاخت العزيزه مشاعل ابراهيم مرورك عطر وانار متصفحي المتواضع لاعدمتك ولاحرمت مرورك غاليتي ولك من الحب كله |
| الساعة الآن 11:11 AM |
Powered by vBulletin® Copyright ©2000 - 2026
