على جال الأسى ذكرى...وحبلٍ محترق صبره=وبعض اشياء بلا مرفاء بلا موعد أمل محدود
رسمت الشوق ياحسره طفل تجتاحه العبره=يبي ضمت حنايا امه ... ولكن الوصل مسدود
رسمته هزة أغصان الربيع المنتقص شبره=تراقص له عصافيره ...وهو مقفي على الموعود
عذاب...وكيف مثلي يستشف الواقع بحبره=انا وشلون اصورها؟ دموع مشاهق الملهود
بعض كلي من زعاق الحناجرضيع الدبره =وتاه بعالمٍ ضاقت مسافاته على المقرود
شحذت ارقى طموحاتي بهمسٍ خافت النبره=انا من لي ...قضى كلي...ولا ملي من المجهود
تفاجئت بصخب رده...وصبرن شاخ من كبره=انا من هو يمكن لي عشان اللي مضى لي يعود
عجب! كيف الصبر ما ساهم بكبره على جبره؟=ولا من صحت ياحظي.قضى عمري.يقول ركود
ضحى الواقع تعين سيره الباقي على خبره=مآّسينا تعزز داخل أحداق العيون السود
خيالات وركام أحلام مع اطيافٍ غدت غبره=سواحلها جهام أشباح وطغيانٍ عليها يسود
ترى العمر انتهى شطره ...ولوح لشقي قبره= بدت كل احتمالاته عليه ...للأسف مفقـــود
يمنيني وهو تواق ما يبقي مغز ابره=يقطعني شوي شوي ...يقول ان الصبر محمود
تجاريب الزمان احيان...ما تسعفك بالخبره=تسايسها وهي كتبت لغيرك واقع معقود
بصالي لوعة الذكرى بعيش حظوظي الثبره=وبرسلها سهام بليل إلى الله الولي المعبود
عزيزاً واحداً فرداً صمد بآياته العبره=سميعاً عالمٍ محصي كريم بالعطا والجود
يبدل لي اسى عمري وحبلٍ محترق صبره=وبعض أشيا تجي مرفا الأمل في وقتها المحدود