في زحمة الأيام جيتي تقولين =يا خالد أرجع لليالي القديمه
يا ظالمه وشلون تبغي تعيدين=ليل ٍ به الأنوار صارت ظليمه
يا ظالمه وشعاد منّي تريدين =روحي تراها اليوم منّك سقيمه
توّك عرفتي زين انّا محقين= وتوّنا عرفنّا زين انّك غشيمه
يكفي طعنتي القلب وشعاد تبغين=يكفي هديتي لي جروح ٍ عظيمه
والله ما عتي على البال تطرين=ومعاد لك يا ظالمة أيّ قيمه
لو يسألوني الناس كيف المحبين؟=لاقول حبك همّ وأكبر جريمه
لو يسألوني كيف تقوى على البين؟=يا ظالمة لاقول بُعدك غنيمه
والله لا اخليك عقبي تونين=والله لا اخلي حياتك عديمه
واجعلك من كاس المراره تذوقين=حتى تشوفي اشلون كنتي لئيمه

المشاركة الأصلية كتبت بواسطة ناصر آل شهوان الهاجري والله ما عتي على البال تطريـن ومعاد لك يـا ظالمـة أيّ قيمـه اخوي خالد ابن عبدالله الكلمه اللي بالأحمر ( عدتي) <<هكذا تكتب ( عتي )<< وهكذا تنطق (اي تكتب ولاتنطق ) ومن ناحية النص نص صاااااااارخ واحساس مميز يابو عبدالله صح لسانك لين ترضى لاعدمتك وبيض الله وجهك تحيه لك

المشاركة الأصلية كتبت بواسطة محمد الفرحان . . الشاع الرائع خالد بن عبدالله . . اهلا وسهلا بك في منابع الشعر والأدب وكلنا سعاده بتواجد هذا الاسم بيننا وعسى ان تجد لدينا مايكون دافعا" لك لتقديم الجديد والمميز وكل ماهو معهود منك ويكون سببا" في طيب وطول اقامتك بيننا . وياهلا بك ومرحبا بين اهلك واخوانك ومكانك العيون والقلوب قبل المنتدى . . . . حضور للترحيب وسيكون لي عودة الى هذه الرائعة ان شاء الله . . . . . تقبل فائق تقديري واحترامي

المشاركة الأصلية كتبت بواسطة خالد سلمان صح لسانك اخوي خالد عبد الله اخوك خالد سلمان

المشاركة الأصلية كتبت بواسطة فهد الدباسي خالد بن عبدالله حضورٌ أولٌ رائع يجعلنا في إنتظارِ المزيدِ من الجمال و فخورين بك بـ التأكيد صح لسانك و لاهنت تقبل تحياتي