|
عروسة تطبخ ليلة زفافها
http://www.alnarges.com/up/uploads/7fbc2232b9.gif
http://www.alnarges.com/up/uploads/9222622b3d.gif في ليلة الزفاف ... بعد ما دخل صاحبنا شقته مع زوجته وإذا بجواله يدق ويقوم خوينا يرد على الجوال ويدور الحوار التالي: الزوج : ألووووو. المتصل : السلام عليكم ورحمة الله وبركاته . كيف حالك يا (فلان) و ألف ألف مبروك . الزوج : وعليكم السلام وينكم يا أنذال ما حضرتوا الحفل يا تعبانين. المتصل : والله تعطلت علينا السيارة في الخط وحنا جايين عندكم ووصلنا وسألنا عنك قالوا انك رحت مع المدام.وذلحين حنا راجعين الديرة . ((طبعاً الديرة تبعد حوالي 300 كم )) الزوج : المهم تعشيتوا . المتصل : لا والله. الزوج : كم عددكم؟ المتصل : عشرة. الزوج : أقولك (حرام طلاق عشاكم الليلة عندي) قل تم . المتصل : يا ابن الحلال (غيير بدل). الزوج : يالله أنا أنتظركم مع السلامه. وقفل الخط. الزوجه المسكينه مو مصدقه اللي سواه زوجها ليلة الدخلة ثم قال يا فلانه أنا رايح السوق وراجع........((على بالها بيجيب عشاء جاهز)) بعد ربع ساعه رجع الزوج ومعه أغراض العشاء . قالت الزوجه وش ذا . قال الله يسلمك قومي سوي العشاء لزملاي في العمل جايين من بعيد ولا تعشوا . في أثناء الحوار. وإن الباب يدق .. قال هم ذولا وصلوا يالله همه يامره. وراح عند ربعه يقهويهم. المهم المسكينه في المطبخ تقطع البصل و الطماط بفستان الزفاف وعيونها تدمع وتقول في نفسها ( بكره بأرجع عند أهلي من الفجر وأطلب الطلاق) المسكينه سوت العشاء وتعشوا وراحوا لديرتهم المسكينه متضايقه [blink]و المفاجأة؟؟؟؟؟؟؟؟؟؟ [/blink] أن زوجها يدخل عليها ويرمي لها بــ (50000)خمسين ألف قال هذا حقك قالت وشوا حقه قال الرهان اللي بيني وبين زملاي العشرة على كل واحد (5000) بأنك تطبخين ليلة الدخلة وش يكون ردة فعلك يا موافقه ولا لا وأنتي من كسب الرهان وتمت ليلتهم على خير و أصبحى أسعد زوجين . http://www.alnarges.com/up/uploads/a759f9ded8.gif منقوووول ولكن بغيض من لقافة البعض وموقف الزوج الذي عرض زوجته من أولها لاختبار قاسي لو فشلت فيه بيكون فشلها معلوم للغير وبيسبب لها إحباااط كبير . أتمنى المساهمة بردودكم المميزة >>> هل أنت مع أو ضد أو لابأس من هذه التجربة المميزة :p |
صج قـــــــــــــــهر :mad:
انا ضد الفكرة لأن المفروض ما كان يسوي هالشي في (((ليلة زواجهم)) صج الرجال ماعنده ذوق:p سرااااب دائما راقية في اختيارك للمواضيع ألف شكر لك حبيبتي |
هلا وخيتي سراب اللال
وش الطاري عيوني لايكون الموقف حصلك شخصياً هههههههههههههههههههههههههه شوفي ياقلبي انا ضد هالفكره من الأساس يعني حرااام عليه لو ماسوت العشاء تنتهي حياتهم بس تدرين الفلووووس تغير النفووس وشكلها شمت ريحة القريشات من على بعد <<<<هههههههههههههه تسلمين سراب اللال على الموضوع http://www.ksa-7be.com/up/up3/ce469aae41.gif |
هلا اا بك شعووولة
فعلا أنا معك إن ليلة الفرح هي ليلة لها خصوصيتها يفترض ما يقحم فيها أطراف أخرى مهما كان السبب اللهم في حال الظرف الاستثنائي القاااهر أشكرك على مرورك مشاعل |
اقتباس:
هلااا بك شيهوووونة أفااا عليك وهو يستجري ههههههههههههههههههه لأخليه هو اللي يطبخ ويغسل مواعينه بعد خخخخخخخخخخخ تسلمين لي شيهانة على مرورك المرح ياعيني |
أرفض أرفـض أرفــض شي صعب أنه الزوج يرضى تكون حياته ومصيره هو وزوجته تحت ظل رهان من الممكن يكسب ومن الممكن يخسر يعني أعطى لأصحابه الحق في أنهم يقررون إستمرار حياته الزوجيه أو إنهاءها من أول ليله عن نفسي ممكن اوافق أنه أطبخ عشان ما أجادله مطعم وغير مطعم لكن حركة الفلوس والله لأرميها في وجهه وأطلب الطلاق على طول ما اطلب الطلاق عشان حكاية العشاء لالالا أطلب الطلاق لإنه زوج مثل هذا ماينوثق فيه ولا يستحق أنه أحد يكمّل حياته معه كيف راح أضمنه يمكن بكره يتراهن مع أصحابه على أي شي واكون ضحية مراهناته عن جد زوج يرفع الضغط :mad: يسلمووووو سراب اللال |
.
. بقول لكم رايي ويمكن اكون خطاء : الزوج تافه ولاأتفه منه الاأخوياه: كان مفروض يكون عندة شوية ذوق ومايتعب العروس من أول ليلة بالطبخ والنفخ بعدين وهو المهم : جاب سيرة الحرام والطلاق من أول ليلة ( وشلون ينوثق فيه ؟ ) ثالثا وهو الأهم : وقف حياتة الزوجية على نتيجة مراهنة مع ناس فاضية . . والله انه تافه بالحيييل مره . الزوجة بنت حلال وشقردية وراعية مواقف بس ماتجي مثل حريم أول اللي يسرحون مع الغنم من ثاتي يوم زواج ولو منها والله ماأكمل حياتي مع هالزوج اللي بتكون حياتي معه على كف عفريت. . . وبس . . شكرا لكِ اختي سراب اللال على هذا الموضوع المضحك / المبكي . . دمتِ ودام حضورك . . تقبلي فائق تقديري واحترامي |
مو رجال ماعليه عتب :D
اكيد انا ضد هالفكرة والمبدأ والتنفيذ ماخذ زواجه لعبة الله يغربله :mad: مشكورة عزيزتي سراب موضوع غريب ومضحك ودي وأحترامي |
اختي العزيزه
انا صراحه لو اني مكانها بروح المجلس اللي جالسين فيه واقولها يلا برررررررررررررا :D هههههههههههههههههههه امزح بس شوفي والله بوقتها مادري وش اسوي بس يمكن اكثر اخواني واخواتي قالوا ان الرجل اللي سوى هشي مو محل للثقة بس اتوقع انه السالفه مو منه مسكين يمكن تفشل قدام زملاه يعني فشله لو ماعزمهم يعني الشرهه ميب عليه على زملاه بس السالفه ترا فيها خمسين الف >>>>>>> تودينا باريس بشهر العسل هههههههههههههههههههه مشكوره اختي والله لايحطني بهذا الموقف لاني صراحه مادري وش بتكون رده فعلي دمتي والله يرزقك الزوج الصالح :D |
لا أرى أي سبب لعاقل
يدعوه لمثل هذه الفعلة الرهان حرام أولا كيف يكون إنسان مسئول وهو يفعل هذا بزوجة لمجرد أنها تطيعه في الله شكرا سراب للنقل الراقي إيمان |
| الساعة الآن 06:43 AM |
Powered by vBulletin® Copyright ©2000 - 2026
