تتحسن أوضاعنا من وين؟=والسوق كله مولّع نار
الأكل واللبس والبنزين=وفوق ذي كلها الإيجار
بنمشّي الحال، بس إيلين؟=الحال هذا ما عمره صار
حتى لو أتسلف وبعدين؟=يعني لنفسي أجيب العار؟
يركبني الدين فوق الدين=كني جمل ولا كني حمـ...!
والناس يا عمري مولين=ما فيهم اللي ما هو محتار
دايم على بعض متفقين=بلا مبالاة واستهتار
سبحان من يشغل الفاضين=بمتابعة نشرة الأخبار
إلى هنا واسمعي تكفين=بأقول لك دون سبق إنذار
إن أعجبك يا حياتي؛ زين=وإن ما أعجبك عندك 1000 جدار
ما دامك أكبر بخمس سنين=وش رايك أتزوجك مسيار؟