لو تصدق ماسعف عيني عتـاب=كود غرقه راسيه بـخدي دموع
مالحقت أنطق وأنا هرجي عذاب=ولاقويت أسكت على أف ٍ جزوع
ودي تمهلني أفتش بـي جـواب=كان تلقانـي مـع همـي ألـوع
آه ياوجدي غدى سفـرة غيـاب=روحته هي طيحته بغربه ورجوع
كني ضيق ٍ ناصي ٍ طيب الثيـاب=آتهرب عن قسا صفع الضلـوع
إيه كني قطره بـسجن السحـاب=أرضي تندهلي وأنا كلي خنـوع
لي خفوق ٍ لاخطا وسال الصواب=يرتبك في داخلـه طفـل ٍ وروع
لاتعثـر أمتـلا وجهـه حسـاب=وإن هدى غصّة أواخره الفجوع
حطه التوبيـخ للحسـره وهـاب=ينيتّم ليـل ٍ وكفّـل بـه طلـوع
من تصدق مامدى شـي ٍ يـذاب=إلاّ دمعه راكضه بعنق الشمـوع

المشاركة الأصلية كتبت بواسطة مشاعل ابراهيم أخي حسين العنزي الله الله عليك مصااافحة في قمة الروعه من شاعر ولا اروع وأبيات غااااارقة بالجمال والعذوبة فـــ لله درك ولا هنت وصح لسانك واعتلى شانك

المشاركة الأصلية كتبت بواسطة إيمان السعيد شاعرنا الراقي حسين العنزي قصيدة راقية جدا صح احساسك ونبضك ولاهنت مدد بلاعدد إيمان

المشاركة الأصلية كتبت بواسطة سليمان العقيل صح لسانك وتسلم يمناك حضور متألق ورائع تحياتي لك ولقلمك المبدع

وصح بدنك أخوي* سليمان العقيل*
ولاهنت على هذا المرور الباهي

لك أمتناني .

المشاركة الأصلية كتبت بواسطة الجـــــوهره حسين العنزي أعذب مصافحه صح لسانك و اعتلى شانك و لا هنت لك تقديري و إحترامي