اخر المعنى وجود الطيب لأتزعل عليه = خل من وجه الحدود ابواب وأدخل لك معاها
جيتني ترجي غرامي بالحروف الابجديه = وجيتك اشكي لك حروفي يوم قلبك ماقراها
ان ركبت الأبجديه قمت اعنك يالعبيه = غير انشد صايد الاحرار وشلون اشتواها
امتحني وابتلاني ماعرفت ان الصبيه = قبل تنزل في حشايه سار قلبي في لواها
فتنة القلب وغرامه واشتعالاته وضيه = تستمد الوصف مني والمعاني من حلاها
انتي اجمل حب عطرني على وجه البريه = وانتي اجمل من عرفت من الحياه ومن مداها
لو نشدت الموت عنها قال هذي يعربيه = زينها اسقى الارض شعر وطيبها يروي ضماها
من شعاع الشمس تعكسنا اللعيون النرجسيه = ومن هجير البرد جينا نواسي الليل بدفاها
ياشعاع الشمس قبل غيابها للمغربيه = ارفقي بي كل جرحاَ صاح مني وأحتواها
ياغرامي في ودادك باسمعه واتبع نبيه = من سمعته بك عرفته لو معاليقي كواها
يابعد حيي وميتي عارفاَ ماكان فيه = لي يمين بالمواقف ماحدن قام ولواها
ويل حالي من عذابك يالغرام ومن يديه = سالفتنا حيرتني منك مدري وش وراها
المهم ان الليالي دون وصلك سرمديه = والمهم أنك تعرف اني معذب في هواها