واعدتني يـا صاحبـي ليلـة السبـت = واليوم جاء (سبتين) ما شفـت سبتـك
السبت الأوّل .. مـن غيابـك تعذّبـت = والثاني .. أقفـى بالوعـود وندبتـك
مضى عليّ أسبوع .. وأسبوع من غبت = يا ظالم! اسبوعيـن? كنّـي حربتـك!
يا كاسي اللي فـي عروقـي تسرّبـت = (14) ليلـه وأنــا مــا شربـتـك
طلبـت شوفـك ليـن منّـك تغلّـبـت = كنّـي مـن كفـوف المنايـا طلبتـك
شرّقت .. وأشملت بغيابك .. وغرّبـت = وعنـد الجنـوب أخلفتنـي واجتنبتـك
وصدّقـت كذبـات الليالـي وكـذّبـت = صدق الليال اللـي بهـا مـا كذبتـك
ودخلت في سوق المحبّـه وضاربـت = وخسرت سهمك من بعد مـا كسبتـك
حسبتك بحسبـة (مواعـد) وحسّبـت = وأثرك (موادع) .. ليتني مـا حسبتـك
تِضحكني الحيره .. ويِبكينـي الكبـت = وأقول ذنب أهل الهـوى فـي رقبتـك
وتذبحني الرغبـة كثـر مـا تغيّبـت = و تلعب بي ظنوني كثـر مـا رغبتـك
ساعات .. أقول : أنك خجول وتهرّبت = وأنـي علـى موعـد لقانـا غصبتـك
وساعات .. اقول : أنك لوعدي تزهّبت = لكن ظروفـك عـن عيونـي نْهبتـك
ياما كتبـت النـاس قبلـك وشطّبـت = بس أنت .. شطّبت الملا مـن كتبتـك
وياما علـى جمـر اشتياقـي تقلّبـت = وألا امتلت صفحـة غيابـك .. قلبتـك
كل ما لمحتك في هوى عاشقـك ذبـت = ذوّبتـك .. وفـوق الحنايـا سكبتـك
سلبتنـي زهـرة شبابـي وشيّـبـت = وأنا حشا .. غير الشقـا مـا سلبتـك
لكـن غـلاك بداخلـي كنّـه النـبـت = ومْخضّـرٍ قلـبٍ زهـى فيـه نبـتـك
إنت الـذي مـع معطياتـي تناسبـت = عشتك غـرام .. وللجـوارح نسبتـك
وإن كنت ذنبٍ بارتكابـي لـه أذنبـت = كلّي فخـر يـا ذنْـب يـوم ارتكبتـك
وعهدٍ علي منساك لـو للهوى سِبـت = إلاّ إذا سيّبنـي العـمـر .. سِبـتـك