يامحمـد الذيـب لا تقـرب علاقاتـي=انـا بضبـط علاقـاتـي واسويـهـا
ويامحمد الذيـب لا تشـري عداواتـي=فاكسـرك بالشعـر والدنيـا لواليـهـا
يامطقـع الشعـر والشعّـار بالذاتـي=انـا تعبثـت فيهـم قـبـل تاتيـهـا
تراك دولـه صغيـره مـن دويلاتـي=وترى التحدي على صافـي شواطيهـا
ماهي غريبه علينـا واسمـع الأاتـي=مادمـت يامـي وانـا يامـي نسويهـا
متعربـجٍ بالشعـر مـنـذو بدايـاتـي=اتفـل علـى قفلتـه وادعـس قوافيهـا
ماخلق من يحـرق عروقـي وبلفاتـي=مادامنـي لا نويـت اسـري بسريهـا
واترك مع الوقـت ابياتـي وبصماتـي=مايزعـج فـواد حافظهـا وقاريـهـا
والعنصريـه تراهـا ضمـن عاداتـي=مري وعجمـي وراس العلـم ياميهـاا
شف ساحة الشعر لو هي ضمن رغباتي=الله عليـهـا وحاميـهـا حراميـهـا
تعبثـوا بالشعـر ورعـان حـاراتـي=والله علم كيـف يمكـن بـس تاليهـا
يامحمد الذيب باستعـرض عضلاتـي=واهاجم الصيـد فـي موقـع مخابيهـا
افتل على الشعـر وعيالـه شنباااتـي=ونفسي علـى جزلتـه ربـي يقديهـا
غارات شعرك تراها غيـر غاراتـي=وغارات شعري تـرى مانـي بنافيهـا
شعّار جيلي تراهـم وصـط مخباتـي=كاتم على انفاسهـم واسمـع مواويهـا
كم شاعرٍ ضاع من صفعـي ولكماتـي=ومن عاش في ناري الحمرى يصاليهـا
احرقتهم فـي حظـوري وانطباعاتـي=زعلانهم مختلط فـي عـج راضيهـا
لني صريـح العبـاره فـي عباراتـي=وغيري يدس الحقايـق فـي خوافيهـا
ولني احب النقـا فـي كـل حالاتـي=والكذب واهلـه تـرى مانـي بدانيهـا
والله يوفـق بصـولاتـي وجـولاتـي=واعدائـي الله يحسـرهـا ويدميـهـا
تنابحتنـي كـلاب وكــل شمـاتـي=لكـن علـي بالطـلاق انـي لربيهـا
وأهل الوجيـه الحقيـره تقبـل وتاتـي=وأهـل البنـادول يامكثـر تعاطيـهـا
والله يخلـي هـل الطنخـه لطنخاتـي=والبندق اللـي تنومـس راس راميهـا
وان جت على نسج فكره من خيالاتـي=باحـرك قلـوب خلـق الله واداويهـا
لعيون مـن يرسـم محيـاه بسماتـي=حبيبـت اشعـار عاشقهـا وراويـهـا
الجادل اللـي خذتنـي مـن مساراتـي=واصبحت هايـم بديرتهـا واراضيهـا
اللي هواهـا تسـرب فـي بُصيلاتـي=ورجلي علـى دربهـا مانـي بثانيهـا
ياكثـر روحاتـي لشوفـه وجيـاتـي=((لكورد) هلكت على كثـرة مغازيهـا
اسابق الريـح لـي بطـن الاماراتـي=والقاه واقـف علـى الكـزس يحميهـا
واطمر معه واحذف شماغي وهقواتـي=علـى يدينـه عسـى ربـي يخليهـا
واول سواليف هرجـه مـن زيارتـي=يامرحبـا السـاع ياروحـي وغاليهـا
واجر لـه شلـةٍ مـن خيـر شلاتـي=شلـه حزينـه تدوخـنـي عباريـهـا
مضمون هرجي لها واحلـى هتافاتـي=ياكـل ناسـي بحاضرهـا وماضيهـا
وارسل لها من عيوني بعض غمزاتـي=كن عينها اللـي تحاكينـي واحاكيهـا
وانسى معـه كـل همـي واهتماماتـي=الجـوّ رايـق تلاحينـي والاحيـهـا
يامنفـذ الـحـب بلغـهـا تحيـاتـي=واعظم بيوت الشعر وازكـى معانيهـا
الله يديـمـه لقلـبـي وارتعاشـاتـي=والا الردي ياعسـى يفـدى مواطيهـا
والشله اللـي تـدور خلـف طيحاتـي=يلعـن ابوهـا ويلعـن جـد جديهـاااا