وصية غرام محاطه بالورود النرجسية تطلق بعض السهام وتكوّن في سماء الخيال نجوم تحمل اسم حبيبتي

ما يكفي لك سلامي = جيت أبين لك غرامي
شدّت ضلوعي سهامي = تتجه صوبك وفيّة
كلها أشواقٍ وطيبة = طايرة لأغلى حبيبة
حلقت بس المصيبة = صارعتها الجاذبية
انثريني في عيونك = غلفيني من جفونك
وعطريني من شجونك = قدميني لك هدية
وأكتبي كلمة أحبك = وأرسليها عند بابك
كلمة من قلبي لقلبك = هاذي من عندي وصية
وأسمعيني للنهاية = هاذي مو كل الحكاية
أنتِ تحفة أنتِ آية = أنتِ أحلى مزهرية
من غصونك جيت ابقطف = وردة من عندك تخفف
من ألم قلبي وتجفف = دمعةٍ سالت عليه
آه يا قلبي الحزين = آه من ظلم السنين
كل همي والأنين = حامله ما بين اديه
صاح شوقي لك تألم = وقلبي من نبضه تكلم
قال يا عمري وسلم = يا قمر ليلي وضيّه