|
o.O (أروع القصائد وأجملها) O.o
http://www.ksa-7be.com/up/up18/78277ef570.jpg http://www.ksa-7be.com/up/up18/fc85a78b0a.gif إي بالله اخطوا والخطا اللي جابهم عين الصواب مبطي وانا الشوف الطمع يكشف رداهم واستره مايملي عيون الحسود بهالزمن غير التراب ومن لا يتوب من الخطا تحرم عليه المعذره اللي من اولها خراب اكيد تاليها خراب والبندق اللي ما تثور في هدفها تذعره ودك اليامن جاتك الغلطه من الناس القراب الصاحب اللي ما كسبت محبته ما تخســره مشكلتي إني ما عرفت احسب لصدتهم حساب قلطتهم صدري على ذكرى قصيد وحنجــــره صوتِ يصول بمنبره واخطاب ما مثله خطاب والطيبه اللي زعزعت صوت الخطيب ومنبـره ما فيه دمعِ صوبوه احبابي بوجهي وخاب ولا زرق حزني على غالي ولا فج انحره كل الزهاب الي معي ذكرى من اصحاب الزهاب واللي بقالي من عذاب اشرس طريقي واخطــــره لأني تجنبت الغرق.. عديت من فوق السحــــــاب لأن اكثر اصحابي ورق.. ما شفت للطيب إثمره والله ما حطيت بين الحقد ...والخوه حجــــاب حتى غدوا ربعي يحدوني على الضيق اشكره البارحه ثارت علي رقاب وآوتني رقاب البارحه يا ثقل دم البارح ويا مــــــحقره أثر المصايب ما تجيك إلا من الناس القراب وبهالزمن حتى الخوي اللي تثق فيه احــذره! إهب يا وجه الحسد وشلون جمعهم وغاب كيف السنين اللي عطتني بعثرتهم بعثــره لا بارك الله في رفيقِ تزعله كلمة عتاب ولا جمع الله الرجال اللي تفرقهم مـــــره الصاحب اللي ما يجي من صحبته غير العذاب نذرِ علي إن ما هجرني وإلا انا ب اهـــــــجره من يفتح لفرقاي باب افك له عشرين باب وإذا خويي ما يقدر خوتي ما اقــــــــــدره عودت نفسي كل ما شددت لليمه ركـــــــــاب ما أصد وجهي عن طموح إلا لياجبت خبره إن روحوا فانا بري منهم ليوم الحســــــاب وإن جرحوا قولوا لهم ما حركوا فيَ إشعره شفهم لهم حول السنه ولا خذوا مني جواب احسن دوا للي يحاول يستفزك تحقـــــــره ما كنت احاتيهم صغيَير عاد احاتيهم شبــــــاب الصاحب اللي ما ذخرني لليوم الاسود ما اذخره شفني جمعت اوراقهم بكتاب واغلقت الكتاب يا وقت لم اللي تلمه وانثر اللي تنثــــــــــــره اللي يخاف من الظما يترك لنا طرد السراب واللي ماهو بقد الظلام ووحشته لا يسهــــره عقب إكتئاب البارحه ما عاد انا حمل إكتئاب الطيب جرجرني وانا ماني بناقص جرجره انا تجرعت الظما لين احترق وجهي وذاب انا كسرت بخاطري قبل الصداقه تكســـره انا خسرت اللي غيابه غير عن كل الغياب انا غفرت لعالمِ ما تستحق المغفـــــــــــــره انا اكثر (إنسان) تعلم من كثر ما اخطأ وصاب انا آخر (لسان) يتكلم في زمان الثرثـــــــــــره انا القصيد اللي نزع من دفتره مليون ناب وانا الوحيد اللي جمع مليون ناب بدفتـــره جفني وجرحه السهر , حيلي وهدته الصعـــــــــاب دمعي هجر, ضحكي ندر, عمري وضيعت اكثره شيبت بعقول العرب ...هيبت روسِ ما تهاب جمهرت ناسِ عمرهم ما يعرفون الجمهــــــره ما صرت ذيب إلا لأن اللي تحدوني ذياب ما كنت اغيب إلا لان العفو عند المـــقدره ترى حلاتك لا حملت لصاحبك كلمة عتاب إن ما نطقت بها بوجهه ما تذمه بظهــــــره في هالزمن ما يملي عيون الحسود إلا التراب وإلا الحظيظ...الطلقه اللي ما تصيبه تذعـره ودك اليامن جاتك الغلطه من الناس القراب الصاحب اللي ما كسبت محبته ما تخسـره http://www.ksa-7be.com/up/up18/fc85a78b0a.gif |
شيهانه
كل الشكر لمجهوداتك هنا وحامد زيد من الشعراء الشباب المتميزين , ويستحق ماوصل اليه , باختصار لانه لا يشابه احد اتمناله كل توفيق ابوزيد فهو من الرجال الطيبين والذين عرف عنهم كل خير واخلاق طيبه شيهانه لك كل الشكر |
اقتباس:
الشاعر القدير خالد ماطر شرفني مرورك الكريم تحياااااااااااتي وتقديري |
:
شيهانه أختيار رائع وذووق اجمل لاتحرمينا يالغاليه إحترامي لك.. |
اقتباس:
غاليتي لون الثلج تسلمين على مرورك العذب تقبلي محبتي وتقديري |
حامد زيد حالة شعرية فريده لم و لن تتكرر أبداً فهو من الشعراء القلائل الذين لا نشبع ولا نملّ من قراءة قصائدهم والإستماع لهم في الإلقاء الجميل شيهانه ألف شكر على الإختيار الأكثر من رائع |
اقتباس:
الله يعطيك العافيه |
أختي الكريمه شيهانه
قصيده رائعه من روائع الشاعر الأنيق حامد زيد قصيدة الجمهره كانت اسم ديوانه الصوتي الجديد الذي قام بطرحه مؤخرا ً صح لسان الشاعر حامد زيد وألف شكر لك ِ على هذا النقل الجميل دمت ِ بكل الخير |
شيهانه ألف شكر لروعة حضورك دمت بألف خير |
.
. رائعة في كل حضور اختي شيهانة . . لاعدمنا تواصلك . . تقبلي فائق تقديري واحترامي |
| الساعة الآن 12:07 AM |
Powered by vBulletin® Copyright ©2000 - 2026
