دندن خفوقي دن دندن ودندن = واوتار صوتي إعزفت لك ( دو .. ري .. مي )
ورموش عيني كـَنها ( أورج ) لـَحـَـن ْ = في سلهمتها يومها ليك تومي
( فيروس ) حـُبك إخترقني وسـَلــّطن =والــ (AntiVirus) كنت أظنه بيحمي
واثره تـِعطل يوم طيفك تـِمكـَن =من ثغرة ٍ به وسط لحمي وعظمي
في وسط قلبي احترى اليوم مـَسكـَن ْ = يومه تجاوز باسوردي واسمي
أمس الخفوق مصفحه كـُنت معدن =وانته صهرته يا بعد راس خشمي
حـُبك ملكني وامتلكني وأمكن = فيني احتلاله صار يسري بدمي
شـَبـَهت عيني في هواكي بــ ( لندن )= وانتي الضباب اللي ضيا العين يعمي
وكني مـُسدس وانته لي صرت مخزن = دونك أنا وشلون اصوّب وأرمي
يا بعد قلبي .. يا الغلا .. يا اجمل الفن = يا اغلى من اقرابي وخالي وعمي
في دفتر الغالين رقمك ترى ( One ) = من بعد ربي ثم رسوله وأمي
سعر (الدولار) يطيح و (اليورو) و (الين) = حتى (الجـِنـِـيـْه) و (الشيكل) الكل نرمي
لو صورتك يلي بها الحسن مـُتقن =هم اطرحوها عـُمله بشكل رسمي
حتى الذهب من غير شك ٍ ولا ظـَن = سوقه تردى اصلي او ان كان وهمي
لو خـُصلة ٍ من شعرك إلــ ما تلون = ظهرت عـُقب ما عنـَّــه الشال تـِـرمي
يا اجمل جميله بسالف الإنس والجن = يمدوختني يا دوايه وسـُقمي
بسمة شفاهك كنها مطلع الــ ( Sun ) = تغشى عـُيوني وقمت اداري بـِكـُمي
منك ِ النـَـفـَس أطيب من الهيل والبـُن =تركيبة ٍ ما اوصـِـلتـَها بـشـُح عـِلمي
والخد ّ من ملمسه أثبت وبرهن = إن الحرير خشونته اليد تـِـدمي
كـُلك على بعضك كذا فن في فن = حـُسنك .. صفاتك .. والفكر والتسـَمي
اسمك ( عبير ) آآطايبه قد تـِفـَشـَّـن = يـَمـَه تعالي جيبي أنفك وشـُمي