الهرج من غير جُمـرك .. والـدروب وساعـي=والدواب اللـي تّنَهِـق .. تُسكـت ( إبرسيمـه )
ولا غـدا نذلـن يِحـاول .. يستفـز أوجـاعـي=ما تأثـر بـي هروجـن .. مـن قليـل القيمـه
البحـر لا صـار عاتـي .. مـا يهـز شراعـي=إنت يـ( المزراب ) تنوي .. مركبـي تهديمـه ؟
والله إنـي لـو رفعتـك .. مـا قبلتـك راعـي=ولو بوطي فيك صدق .. لأنشـرك بـ( الْسيمـا )
خلـي عَنـك يالمهـرج .. زيـفـك الخـداعـي=والقناع اللـي مغَـرى .. فـوق وجهـك قيمـه
كـل هرجـك يالمغفـل .. ( مـا لأمـه داعـي )=عقلـك الخـاوي مغبـر .. صابـتـه تنسيـمـه
لا تحسب فـي كلامـك .. لاويـن لـي ذراعـي=أو تفكـر فـي حروفـك .. لاحقتنـي ظيـمـه !
هذا إسمي وهذا رسمي .. وذي حروف ( يراعي )=أفتخـر بأصلـي وفصلـي .. والمراجـل شيمـه
مـا أبـدل فـي كلامـي .. أو أبرسـل ساعـي=واضحن كِلي وضوحـن .. فـي صفـاء الغيمـه
وانت تسبح فـي عيوبـك .. جملتـن وقطاعـي=عقل خاوي بمنطق أعوج .. فوق راسـك خيمـه
والله إني مـا هجيتـك .. أو لشخصـك ناعـي=بـس مـن يخطـي بحقـي .. واجبـن تعليمـه
لا يضيـق الصـدر مـنـك .. لا ولا ترتـاعـي=الجرب لا صـاب شخصـن .. واجبـن تطعيمـه
حُقنتـي جاتـك قصيـده .. مصلهـا جـزاعـي=بالشفـا أدعـي لـك الله .. المـرض لا يديمـه
إشتم ومدحـك بعيـدن .. خَلـه عـن مرباعـي=المـدح لا جانـي منـك .. المـديـح اشتيـمـه