|
طال الغياب
طال الغياب ولوّع القلب فرقاك=واحترت مدري كيف اوصّل سلامي يازين قلّي وين ودتك دنياك=من غيبتك ماذقت حلو المنامي انا اشهد انه لاطرالي محياك=يطري علي وجهك وبدر التمامي يوم اتذكر ذيك الايام وياك=يوم ان قلبك هايمٍ في هيامي قبل العواذل لاتغير نواياك=يوم انت تغليني وتسمع كلامي العام انا سيّــدك وآمرك وانهاك=وافرض عليك مع الغرام احترامي اسمي ليامنك نطقته على شفاك=يصير حتى اسمي من احلى الاسامي اجوع من سبة محبتك واظماك=واروى على شوفتك لو كنت ظامي هذي مراسيلك وهذي هداياك=ماعقبها حاجه تثير اهتمامي والله ياصك وهجرك وجفواك=ماغيرت من عزتي او مقامي |
فهد
سلم قلبك مودتي |
القدير / فهد الراشد .. صح الله لسانك .. رائعة كشخصك العذب .. دمت بود .. ولا عدمناك .. . . ياسر عبدالرؤوف ..؟؟؟ |
فهد دائماً تتحفنا بكل ماهو جميل ودائماً تغرقنا بعذوبة حروفك ألف شكر على الحضور الراقي ألف ألف صح لسانك ولا هنت |
ابدعت وامتعت ياغالي
صح لسانك وسلم بنانك ولاهنت كل الحب والتقدير |
صحت ابدانكم جميعا
واشكركم على الردود الجميله |
فهد الراشد حضورٌ جميل و نصٌ ممتعٌ عند القراءة و معبرٌ عند التأمل صح لسانك و لاهنت تقبل تحياتي |
فهد الراشد
حضور رائع تسلم يمينك على هذه المعزوفه وصح الله لسانك ولاهنت فائق تحياتي |
http://www.ksa-7be.com/up/up19/59c366ca8a.gif شاعرنا الراقي والمبدع فهد حمود الراشد صح إحساسك ونبضك لهذه القصيدة الشامخة دمت لنا نهر من نقاء http://www.ksa-7be.com/up/up19/a38641675e.gif إيمان |
صحت ابدانكم جميعا ولا هنتم
|
| الساعة الآن 04:58 AM |
Powered by vBulletin® Copyright ©2000 - 2026
