|
مجاراه لابن فطيس (شاعر المليون)
السلام عليكم ورحمة الله وبركاته
الكل شاهد شاعر المليون وحصول محمد بن فطيس المري على اللقب بكل جداره واستحقاق محمد بن فطيس او كما سماه حمد السعيد بالمحيط الهادي وعز الله انه يستاهل هذا اللقب شاعر اجمع الكل على شاعريته دخل قلوب الناس باسلوبه المميز وادائه الراقي واختياره السليم للقصائد . وانا من احد المعجبين به اجبرنا على الاستماع لقصائده بكل شغف. لااود الاطالة ولكن من احد القصائد اللتي دائما ما ارددها ماني بمن ياتي ولا يدرىبه = شطر حفظته ماعرف كتابه فجاريته بهذا النص اتمنى ان يرقى الى ذائقة القراء وينال استحسانهم
ماكل واحد لاحضر يدرىبه = والناس ماهي كلها تتشابه شخص(ن) يسولف به ولو هو غايب = وشخص(ن) حضوره مثل وقع غيابه شخص(ن) تمنى صحبته وتوده = يغليك من خيرة هله واحبابه لامن بدى لك لازم(ن)في الدنيا = جالك وناره للظفر شبابه وشخص(ن)لو انك تفقده ما تندم = بعده غنيمه والفراق اولىبه حمل(ن)عليك وصحبته ما تنفع = ووقت الشدايد لا تحسب حسابه يابنت ياللي فعل(ابيش)مخلد = ومن زود (زينش)كثروا الخطابه شوري (عليش)ليا عشقتي واحد = لا تعشقين اللي جفوه اصحابه اللي ليا جار الزمن ما(فادش) = ولا جا نهار الفعل ما يغزىبه فعله ردي وافعال غيره تعرف = همه نظافة غترته وثيابه لاتعشقين الا الشلي في ربعه = حر(ن)يشبع فاقته مخلابه نشمي ولد نشمي وخاله نشمي = وعيال عمه للنقى كسابه شيخ(ن)بفعله والملا تشهد له = وللضيف والعاني مشرع بابه طلق الحجاج ومرضي(ن)شيبانه = وخيره على الناس وجميع اقرابه سلام يامحمد حمد ياالمري = ياللي لك الجمهور قال اعجابه عشت بقلوب الناس لانك نادر = والحر مثلك هيبته ترقىبه عشنا معك قلب ومشاعر وحده = ندعي لك المليون والله جابه والبيرق اللي في يمينك شلته = تسلم يمين(ن)شالته تزهىبه مثلتنا والله يبيض وجهك = ياخير والله من تعزوينابه وعسى عدوك لانوى لك نيه = يموت من غيظه قبل تشقىبه وعسى السعاده فال وجهك دايم = ودربك سفير و مخضر(ن)باعشابه وسلامتكم اخوكم حسين النجراني |
صح لسانك ولاهنت ..
مجاراة وافيه .. لك كل التقدير اخوك ابونايف |
الاخ شامخ الرشيدي
الف شكر على المرور والمتابعة ورايك كشاعر يهمني الله لايهينك تقبل تحياتي |
ماني بمن ياتي ولا يدرى به = شطر حفظته ماعرف كتابه أبن فطيس قال ونال ماشاء الله عليه فعلاً البيت هذا عن قصيده كامله حسين مجاراتك كانت جميله وسبق ليّ أن أستمعت إلى هذه القصيده في برنامج إذاعي يوم الثلاثاء الماضي وكانت فعلاً قصيدة جميله ألف ألف صح لسانك ولا هنت |
الاخت حايره
اولا شكرا على المرور والمتابعة سواء" في المنتدى او في البرنامج الاذاعي (فيض المشاعر) الذي تبثه اذاعة صوت الخليج الذي شاركت فيه الاسبوع الماضي بهذه القصيدة مرورك اسعدني واضاف لي الشيء الكثير شكرا" لك وتقبلي تحياتي |
وعسى عـدوك لانـوى لـك نيـه
.................يموت مـن غيظـه قبـل تشقىبـه وعسى السعاده فـال وجهـك دايـم ..................ودربك سفير و مخضر(ن)باعشابـه شاعرنا الراقي حسين النجراني صح إحساسك ونبضك قصيدة رائعة جداً دمت لنا بود إيمان |
الاخت ايمان السعيد
تشرفت بمرورك وسعدني اطرائك تقبلي شكري وتقديري |
. . شاعرنا حسين النجراني . . صح لسانك يامبدع . . قصيده رائعه بروعتك ومتصفح يجبر على البقاء به طويلا" . . . . دمت بهذا التألق وهذا الحضور ولاعدمنا تواجدك . . . . . تقبل فائق تقديري واحترامي |
الاخ العزيز محمد الفرحان
من اهم الاسماء اللتي اسعد بمرورها الله لا يهينك وتقبل تحياتي |
هلا وغلا
الله الله عليك يالنجراني مجاراة أكثر من رائعة صح لسانك ملايين تسلم ولاهنت لا عدمناك |
| الساعة الآن 05:54 AM |
Powered by vBulletin® Copyright ©2000 - 2026
