|
{ >> متى أخر مرة جبت العيـد ....!!
:rose:
مساكم مثل الورده اللي فوق كلكم ,,,,, طبعاً أنا صارلي فتره ماشبكت بالنت كله وأدري أنكم أشتقتولي وفقدتوني حيل >>>> محد يدري عنك بس لا تجيب العيد اسكت:D حلو هذا اللي ابي اوصله (( جايب العيد )) طبعاً تدرون جملة (( لاتجيب العيد)) منتشره بالكويت لا وبالخليج كله وهي تعبير عن شي ( يودي بدااااااااهيه ) ومضحك بعد لكن صدقوني مو دائماً لانه اخوكم خالد وبلا فخر أحمله شهادة الدكتوراه ( بجيبة العيد ) :D وأصدقائي بعد لا وفيهم من هم اعتبر نفسي طالب عندهم من كثر مواقفهم ... المهم التعابير هاذي ( لا تجيب العيد ) , ( جبت العيد ) , معناها كما ذكرت وبقول بعد انها تعبير عن موقف يحصل ويحدث به شي غير متوقع ومفاجيء ومضحك كما قلت ولكن ليس دائماً ( تكفوووون صدقوني :D ) ههههههههههههههههههههههههههههه وكلمة العيد تعني انه سويت شي لاهو بوقته ولا بأوانه وخربطت الدنيا فوء تحت ( وياكثر ماصارت ) :D سؤالي لكم ... // متى أخر مره جبتوا العيد فيها ...؟؟؟ ( نبي مواقف ...؟؟ ولا تخافون سر بيني وبينكم :D ) ولكم بعد هاذي :rose: سلالالالالالالالالالالالالالالالالالالام |
هههههههههههههههههه خالد أشتقنا لمواضيعك اللي تجيب العيد :D بالنسبه ليّ الحمد لله قليله المرات اللي أجيب العيد فيها بس ولا يهمك أول ما أذكر شي من المواقف راح أجي وأكتبه لك طيب أنت ما أعطيتنا مواقفك :D لك أجمل تحيه |
هلا بك خالد
بجد اشتقنا لك ولأعيادك المميزة :D أختك وبلاااا فخر أعيادها مستمرة معظم فصول العام والحمد لله :D خالد من أول وأنا أكتب وامسح بأعيادي كلها لقيتها محرجة وتفشل http://alnarges.com/up/uploads/3fa4a90ac8.gif أول ما أذكر عيد قابل للنشر برجع وأكتبه هنا :D تسلم على الموضوع المرح خالد ولا تقاطعنا |
:
ياهلا والله بـ خالد وانا اقول المنتدى منور...بجد فااقدينك زين انك تذكرتنا ..يالقاطع انا والله اللي داايم اجيب العيد يااكثر موواقفي خااصه الفتره هذي بس دخولي للموضوع ترحيب فيك ورجعتك إحترامي لك..// |
اقتباس:
حايره والله اني داري انك راح تقولين ( قول موقفك اول ) :D انتي ناويه تطفشيني من زمااااااااااااان من مواضيع ( الكيك المدمره ) :D هههههههههههههههههههههههههههههههههههههههههههههههههه ههه والله مادري شقولك // مواقفي تفشل :) // بس بختار موقف تسمح فيه رقابه المنتدى :D أتذكر ايام الجامعه اول سنه طبعاً معروف اللي يغش ( يبرشم ) يفصل نهائي .. وانا ولله الحمد ماغش الا اذا ( تغششت ) :D ماعندي مشكله احب اتساعد ههههههههههههههه اتذكر كانت عندنا ماده صعبه حيييييييييل بالتخصص والامتحان صعب حده ., وطبعاً تخيلي أشكال اللي مودارسين عدل ( كنهم شحاتين يبون اي لؤمه عيش ) :D هههههههههههههههههههههههههههههههههههههههههههههههههه هههههه لا والمصيبه الاكبر طبعاً في السابق نظام جامعه الكويت ( مختلطه) يعني لو تغش ويصيدك الدكتور قدام البنات ويضحكون عليك البنات والشباب شيصير فيك ( تنتحر احسلك) :D المهم // حاولت احل الامتحان بس بقى سؤالين وصاحبي اللي على يميني شاطر حيلللللللل وقلتله قولي حل السؤالين ( طلب مساعده فقط ) :D وقدرت بسرعه اخذ منه الكلام واحل السؤالين بسرعه :D بس المصيبه ( البلشه ) اللي قاعد وراي ( صديقي) ماحل اي شي شكله بيسقط كان وكان يطالعني ( بنظرات يتيم ينتظر حنان الابوه ) :D وبعدها بدقايق قام يرفس طاولتي :D ويقولي // خالد ... يا... والله ورقتي بيضا شنو بكشخ فيها انا :D , الحق علينا لا نولي وندش الجيش :) هههههههههههههههههههههههههههههههههه طبعاً اهوا يكلمني وانا ميت من الضحك :D توهقت بساعده بس ما أقدر بس الحمدلله كان الدكتور ( حليو) يخلينا نساعد بعض (مو نغشش) هناك فرق ..:D المهم كلمت صاحبي كلمتين وبعدين جاني الدكتور وقالي // خالد بلاش صوت والا حطلعك بره توهقت وهذا يزززززززززن على دماغي وفكرت بحلللل...! فيه سؤال كامل انا مسويله تلخيص بورقه قبل الامتحان وكنت متأكد انه راح يجي بس انا حافظه وحليته ( قليب صح :D قولواااااا مشاء الله :D وقلت لصاحبي حل السؤال وياي تبيه قالي ايييييييييييه // 'طبعاً اهو حده خوااااااااااف :D شسويت انا ....!! طلعت الورقه من مخباتي وقطيتها على طاولته :D لانه وراي :D تدرون شسوى ...!! قااااااااااام يصاااااااااااااااارخ ( شييييييييييييييلهااااااااااااااااا شييييييييييييلهاااااااااااااا ) طبعاً انا مت من الضححححححححححححك, وكل الكلاس يضحكوووووووون :D المهم سمعنا الدكتور والورقه طاحت من الطاوله بس الحمدلله ماشافها وطووفها :D وقالنا خلصوا بسررررررررررررررعه بائي خمس دقايق ( ومشي الحال ) :D |
اقتباس:
هلا بك سراب وبنتظار ( عيدكـ ) المشرق :D اقصد موقف المشرق .... ودمت بود |
اقتباس:
هلا ثلجه:D منور المنتدى بوجودك وبوجود كل الراااااااائعين فيه تعرفين مشغول بحكم منصبي السياسي لنزع فتيل الازمات السياسيه بين الدول واحلال السلم بينها:hammer: والله ياثلجه مشااااغل و ظروف (وكوره) , و ما انسى المنابع واعضائها عشان اتذكرهم اي ولوو:D شمكوره اوي على التحيه المزهره ,,,, وعن الكلام الزايد وين موقفك ..! أنا متأكد انه اكثر واحد بالمنتدى ( ايجيب العيد ) انتي ههههههههههههههههههههههههههههه بنتظارك ثلجه... ويسلمو عالتحيه :) |
:D
: جيت ياخالد بموقف ..من موااقفي اللي ماتنتهي يوم من الأيام افتقدت أختنا الغاليه لون الثلج جوالها >>>اللي هي انا :D عاد ياكثر ماأضيعه هالجوال.. بحثت عنه هنا وهناك لكن بلا فائده قمت أفكر ولقيت الحل .. الجهنمي ....!!>>اذا فكرت طلع الذكاء دقيت من تليفون البيت على جوال أخوي قلت له بكل هدوء : رجاء دق على جوالي علشان اسمع نغمته لأنه ضايع ..!!>>بكل ثقه اقول الكلام رد علي أخوي بتعجب !!: طيب ليش ما تدقين عليه أنتي ..؟؟ طبعاانا ماتفشلت ولا طاح وجهي >>ايه هين http://www.lail-alsahara.com/smileys/smileys-1/9.gif قلت اني ماني رايقه ادق على الجوال ..قالي اخوي وشلون صرتي رايقه ادقين علي:D >>انوااع الاحرااجhttp://www.lail-alsahara.com/smileys/smileys-1/24.gif . |
و الله يا خالد مايحضرني موقف معين الحين بس المواقف واجد و راح ارجع أضيف القابل لـ النشر منها اشتقنا لـ حضورك فـ لاتحرمنا تواجدك |
خالد والله المواقف اللي جبت فيها العيد يا كثرهـا بس كلها تفشل ياخوك ما ينفع تنحط هنا قدام الناس ! لأني أنا لا جبت العيد جبتـه صحححح :D . حضورك دايم غير يا عسل لا عدمناك http://ccs.jeeran.com/p2.gif احترامي |
| الساعة الآن 09:33 AM |
Powered by vBulletin® Copyright ©2000 - 2026
