|
جــــــزر و مــــــــد
السلام عليكم ورحمة الله وبركاته
مصافحة لقلوبكم اتمنى ان تنال اذواقكم ((جــــــــز ومـــــــــد ))
يمر الوقت واعد الثواني والدقايق عد=ويذوب الصبر من نار انتظار(ن) طّول اعداده يتوه الفكر من كثر الهجوس ولا يبيح السد=ويموت من القهر قلب الحسود ويعلن احداده تهب الريح والبحار مبحر بين جزر ومد=على متن السفينه بايعن عمره من اعناده يطول الشرح لكن كل معنى له رديف وضد=وكل انسان هاوي له جماهيره ونقّاده وانا ماقول نبض الشعر عندي ورث خال وجد=اذا كان الشعر مملوك انا واحد من اسياده خيالي ياصل الحروة يهقويني كريم ان مد=زعيم(ن) شامخ(ن) من هيبته تخضع له افراده وسيع بطان لكن كل صبر(ن) له مجال وحد=وانا ماظنتي بعد الصمود أتحمّل ازياده تعبت من السكوت من الكلام من انتظار الغد=تعبت اقلّب البارود ويديني على زناده ذبحني صمتي القاتل سنين وهد حيلي هد=تعبت اطرد سراب وخافقي ماحصل إمراده ولا حرّك سكون العاطفه قصة غرام أو ود=انا اللى حرّك احساسي زمان اللوم وجهاده وقفت وساعد الله وقفتي يوم الزمان اشتّد=بعد ما شفت رحّال الطموح يكسّر اشداده وقلت لحاسدي مت غيض والطم في يديك الخد=طموحي ما يموت ونيتي لله منقّاده لك الله ما تغيّر لو عبس وجه الزمن وإسوّد=قوي الباس ما يقتل شموخه هرج حسّاده |
:
عبدالله الرشيدي صح لساانك ... قصيده راائعه ابدعت فيها إحترامي لك.. . |
شاعرنا الراقي والمبدع
عبد الله الرشيدي صح إحساسك ونبضك لهذه القصيدة الشامخة دمت لنا نهر من نقاء :rose: إيمان |
أخي الغالي / عبدالله الرشيدي ..
أولا ً أرحب بك أجمل ترحيب في منتديات منابع الأدبية التي تسعد بوجود أمثالك من الشعراء المميزين وصح لسانك ياغالي قصيدة ومصافحة أكثر من رائعة من شاعر مبدع وممتع شكرا ً لك من الاعماق على هذا الامتاع وتقبل خالص تحياتي وفائق تقديري أخوك / قديم الشوق |
عبد الله أولاً / أهلاً بك في منابع وسعداء بهذه الإطلالة ثانياً / حاولت أن أجد الكلمات التي تصف مدى إعجابي بما قرأت ... لكن لم أجد الكلمات المناسبة التي تعطي هذا النص حقه بالمدح والثناء لذلك سأكتفي بالوقوف والتأمل في هذه الأبيات ألف ألف صح لسانك ولا هنت ===== تهب الريح والبحار مبحر بيـن جـزر ومـد على متن السفينه بايعن عمره مـن اعنـاده ===== |
صح لسانك وبيض الله وجهك
حضور الشعر بحضرتك وتميزك تحياتي |
الغالي عبد الله الرشيدي
نورت يالغالي وحياك المولى قصيده ليست المره الأولى التي أقرأها ولكن لذتها متجدده وروعتها تزداد بعد كـُل قراءه صح لسانك ولا هنت ولا هان غاليك لك كل ودي وتقديري واشتياقي |
اقتباس:
صح بدنك والرائع مرورك من هنا وتقبلي تحياتي |
يالعبسي
المبدع عبدالله الرشيدي : صح لسانك وفكرك نص جميل ومشاعر وافيه لاهنت / / تقبل مروري وودي |
. . شاعرنا عبدالله الرشيدي . . اهلا وسهلا بك في منابع الشعر والادب وكلنا سعادة بمعانقة إبداعك وصح لسانك وصح كلكعلى هذه القصيده الرائعه بروعة حضورك وتواجدك . . . . حضور جميل وقصيده تستحق القراءه لأكثر من مره . . . . . دمت بهذه الشاعريه ودام تواصلك. . . . . تقبل فائق تقديري واحترامي |
| الساعة الآن 05:00 PM |
Powered by vBulletin® Copyright ©2000 - 2026
