الاجواد صندوقين مسك وعنبر=الى فتحت ابوابها جاك ما بها
الاجواد مثل البدر في ليلة الدجا=والانذال ظلما تايه من سرى بها
الاجواد مثل الدر في شامخ الذرى=والانذال مثل الشري مر شرابها
يارب لا تجعل بالاجواد نكبه=من حيث ليا ضعف الضعيف التجابها
انا احب نفس يرخص الزاد عندها=يقطعك يا نفس جزاها هبابها
ويا عل نفس ما للاجواد عندها=وقار عسى ما تهتني في شبابها

والله اني ما اعتذر من لزوم الطيبين =وان عسرني فالمطاليق دايم يعذرون
لانهم زد حدهم وقتهم ومجربين =مرة يلقون ومرار ما يلقون لون
في الخلا عندي زباد ونسمة ياسمين =خير من ترحيب ناس مغير يجاملون
أتلذذ بالخلا من عداة الغايبين =واجتماع اللي يقولون ما لا يفعلون
مرخصين انفوسهم وبخلا مستكبرين =دايم من دون في دون حتى ينفقون

ما دريت انه على الارض ماجود جحود=لين سوينا جميل بناس واجحدوه
والله ان من يفعل الجود في اللي ما يجود=مثل من حجج على غاربه ذبَّاح ابوه