|
عطني سيجاره
عطني سيجاره خلني اشعل الليل
وانفث به الدخان واشب ناره فالحيل ماعاده على خبرك الحيل والشيب غازي الراس معلن وقاره قلت اتمشى بالقوافي مع سهيل واسامره وان حب ياخذ سيجاره وابعدت عني دلتي والفناجيل من بعد ما زاور خيالي خماره وقمت ازود حالي القول واطيل واخبره عن نجم السما في مداره واتلي هجيني الشعر له بالمواويل حتى بضيه زاد واعطى الاشاره حتى علينا الريح جات بالغرابيل وضيعت فيها من يمينه يساره ميل معي لكن على عكس ما اميل يقول صعب انه يواصل مساره ياشينها افكاري وبعض التعاليل خلطت فيها رمل باقسى الحجاره ولبست طوق النار احسبه الاكليل اثري غشيم اقولها عن جداره هات السيجاره ياولد واشعل الليل وبراد شاهي كيف راسي وعماره |
لالالا يا عبد الله مانقبلها منك تدخين في المنتدى :D عبد الله مقبل حضورك دائماً جميل وقصائدك أجمل ألف ألف صح لسانك ولا هنت |
نص مليءٌ بالشجن و الروعة .. صح لسانك ولاهنت |
. . شاعرنا عبدالله العقيل . . صح لسانك يامبدع . . قصيده رائعه بروعتك ومتصفح يجبر على البقاء به طويلا" . . . . دمت بهذا التألق وهذا الحضور ولاعدمنا تواجدك . . . . . تقبل فائق تقديري واحترامي |
الله
رائعه من رائع صح لسااانك تحيتي لك ومضة |
عبدالله العقيل صح الله لسانك على حضورك الكريم ألف شكر ولاهنت |
صح لسانك وتسلم يمناك حضور متألق ورائع تحياتي لك ولقلمك المبدع |
سلمت وسلم نبضك على هالنص الراقي سجل اعجابي ومتابعتي ولك تحياتي |
:
عبد الله العقيل صح لسانك بجد راااااااائعه وحضورك له نكه خااصه يعطي العافيه إحترامي لك . |
أخي الغالي / عبدالله العقيل ..
صح لسانك وانا اخوك .. قصيدة أكثر من رائعة من شاعر مبدع ومتمكن شكرا ً لك من الأعماق على اتحافنا بهذه الرائعة وتقبل خالص تحياتي أخوك / قديم الشوق |
| الساعة الآن 08:34 AM |
Powered by vBulletin® Copyright ©2000 - 2026
