|
..هقاوي!
عذرا ً ، فالتقصير ملازمني
لكم
واهز الجذع من جوعي ..أحسب ان الثمر بيطيح=واطيح ، ولالقيت الاّ ظنوني والثمر بي جـوع ! تمر الريح ويطيح الورق..فيني الأمانـي ريـح=تطيح آمال ..واصوات الحفيف تزيد فينـي روع واشوف الساقي اللي كل ماجيته اشوف الشيـح=واشوف الشيح اصفر من جفاف الساقي المتبوع! واحس بداخلي ظلمه ، ويـأس ٍ ملـه التلميـح=واحس الهمهمه فيني صهيل ، وفارسي مصروع بحربة صاحبي مات ، وهقاوي هالسنين تصيـح=جماهير الألم حول الهقاوي والقتيل جمـووووع ومابيني وبينـي لايـم الصاحـب كثـر ماابيـح=رفيقي عند من يلمح حزن في ناظـر ٍ موجـوع واشوف العمر شيخ ٍ إنكسـر مافـاده التلويـح=هزيم الصدر به ضج الحنايا ، والنـدم مسمـوع أهز الجذع ، ويطير الوفا من صاحبي ، وازيـح=أكاليل الغلا والقى الشماتـه والعتـب مجمـوع رعاك الله ياجوعي كشفت اللـي قبـل مايطيـح=سقيته واحسبه يغني ويسمـن لالفانـي جـوع! :rose: |
المبدع
عبدالله العويمر قصيدتك رائعة وشهادتي فيما تكتب مجروحة مبدع بكل ماتحمله الكلمة من معنى تقبل فائق تحياتي وإعجابي |
عبد الله نحن من نشعر بالجوع لــ كلماتك وأبياتك نحن من نشتاق لــ قراءتك والإبحار معك من خلال قصائدك التي تثير الكثير مما في نفوسنا ومشاعرنا كلمات نشعر معها بأننا من كتبها ومن صاغها أستاذي ألف ألف صح لسانك ولا هنت ونتمنى أن لاتغيب عن صفحاتنا :rose: |
أخي الغالي / عبدالله العويمر ..
صح لسانك ياغالي قصيدة أكثر من رائعة من شاعر مبدع شكرا ً لك من الأعماق وتقبل خالص تحياتي وتقديري أخوك / قديم الشوق |
نص مليءٌ بالشجن و الروعة .. قراءته تسر القلب و تسعده .. صح لسانك ولاهنت |
عبدالله العويمر صح الله لسانك ,, حضووور مليء بالشجن لاهنت أخي |
. . شاعرنا عبدالله العويمر . . صح لسانك مدد بلاعدد على هذه القصيده الرائعه بروعة حضورك وتواجدك . . . . إبداع ممن إعتدنا منه الإبداع والتميز . . دمت بهذه الشاعريه . . . . . تقبل فائق تقديري واحترامي |
اقتباس:
لله درك يا مبدع ابو صالح أبيض وجه طال عمرك , وغالي قدر (بالحيل) الله لا يهينك مدري وش اقول بعد , بس خلني مع هذا العبق بحضورك المزهر الذي ننتظره دائماً ولا تطول علينا الله يسلمك من كل شر. ولي عوده بل أكثر.. |
والله يالعويمر الشعر كله غاب بغيابك
واحس بداخلي ظلمه ، ويأس ٍ مله التلميح واحس الهمهمه فيني صهيل ، وفارسي مصروع بحربة صاحبي مات ، وهقاوي هالسنين تصيح جماهير الألم حول الهقاوي والقتيل جمووووع ااااااااااااااااااالله عليييييييييك يا مبدع الف سلمت يمينك |
سلمت وسلم نبضك على هالنص الراقي سجل اعجابي ومتابعتي ولك تحياتي |
| الساعة الآن 12:34 PM |
Powered by vBulletin® Copyright ©2000 - 2026
