السّلام عليكم ورحمة الله وبركاته

مصافحتي الاولى عسى انها اتعجبكم ...

نبضات قلبي معْ طواريق الاشعـار=غنّن .. تمنّن لو يـرد لـي حبيبـي
والزّهر ينبت فوق خلجـان وانهـار=قلبي .. والآقي خشف ريم(ن) قريبي
يجلس يطبّب عوق هالقلب لي فـار=من يوم سار وعاف حزنه عطيبـي
ينقش عليه الفَرح .. يطلب من آثـار=حزن الفراق تشيل قشهـا وتسيبـي
دار الضّلوع ويرجع الورد مغـوار=مفروش فوق حدودها..مـا يغيبـي
وانا المُتيّم بـه أبهـدي لـه سـوار=من شوق حبّ(ن) بالحنايـا لهيبـي
واقطف من فـواده ملاييـن لاثمـار=رمان ..يبري .. تين..مشمش رطيبي
واجلس أدندن معْ عصافير الاشجار=(هذا حبيبي اليـوم رد لـي حبيبـي)
واهدي له ابياتٍ من القلـب تذكـار=بالحبّ ذابـت والغـلا مـن قليبـي
والمس جدايل شعره اللي شرا الغار=سودن وفيهن مسج..عنبـر وطيبـي
كلّي أسجّ هناك مـا بيـن الانظـار=واغرق بصمت العين واغدو طريبي
اطربه باجمل همس منقوش ع اسفار=أسفـار قلبـن بالمحبّـه صبيـبـي
واركض معاه وحولنا كـلّ لازهـار=ترقص وفوق .. السحب تبغى تجيبي
ماين ينعنـش بعضنـا ليـل ونهـار=يدمج حنانـه مـعْ غلايـا وطيبـي

فواز خالد (الناي)

المشاركة الأصلية كتبت بواسطة لون الثلج (المشاركة 98255) ; الناي فواز خالد صورت ورسمت احلى اللوحات ونثرت احلى المعاني والكلمات سجل اعجابي بقلمك الرائع بانتظار جديدك دائما .

شاكر لج مرورج الطّيّب .. ولج كلّ الشّكر والتّقدير ...

المشاركة الأصلية كتبت بواسطة مزون المحمد (المشاركة 98299) فواز خالد صح الله لسانك حضور جميل بلاشك دمت بخير

صح بدنج اختي ومشكوره ع لمرور الطّيّب ...