العيون الحالمه من دونها سـور المواجـع=والنجوم ارموزها صعبه على الروح الحبيسه
والبدن يوله على دفو الوسايد والمضاجع=والجوارح تشتهي لو بعض لحظاتن ونيسه
كم حسدت من العنا حريّة طيورن سواجع=تملك الاجوا وتتبختر بهالكون وتقيسه
بعْـضها هاجر والاخر قبل حر الصيف راجع= بينما روحي - لهالاسوار والظلما فريسه
الصبر قالوا دوا كل النوازل و الفواجع=والأمل مثل السراج بليلة ٍ ظلما تعيسه
ربما بكرا يقوم الحظ والقى الجرح هاجع=واهدم اسواري وتتحرر هالارواح الحبيسه

الكلام الي له سطوره ويعرف له مراجع=دايم ٍينموبوسط الصدرواشبه بالغريسه
بلسم ٍوادهن بنكهت نفحته أقوى مواجع=هالزمان الي معاليقي من اسبابه يبيسه
كن قلبي ابدوين في طرف بيداه ناجع=كل ماضواء شب ناره ولف من تتن ٍبكيسه
مبعدن عن صوت تفجيرالبلدعن الفواجع=وماحسب لحساب شيعين ولا هدمت كنيسه
ماثناه الوقت يمشي قدم مهوقفوراجع=مسرج ٍمهرالمعاني من رباع إلى سديسه
يخلق الجوالوله غصن ٍتوقع به سواجع=ويجمع الوان الطيوف وراعدن يشجي حسيسه
الغريبة حرفهابلسم وأناكلي مواجع=وحبرهاكنه بمأء الورد متشبع غميسه
ومن كواه الوقت ماضني يريح ومهوهاجع=وإن حداه الضيق ماغيرالمعاني له ونيسه