ليته بعد جرحه لقلبي عاد للجـرح و ضمـد=ولا رمى بي بين سـودان القلـوب الواحلـه
كم واحدٍ كنت احسبه في حزة الضيقـه جمـد=ينفخ بروحه و البحور الهوج تغرق ساحلـه
الله يقطع صاحبٍ وقت الشدايـد مـا صمـد=عز الله إن العود الازرق لو يجي ما فاح لـه

النار تالع بالحطـب و يصيـر تاليهـا رمـد=و القلب ناره ما يطفيها البحـر لـو راح لـه

ابني من الاحلام و اشيد قصـور بـلا عمـد=و اصبحت مثل اللي بوسط البيد اضاع الراحله

يا رب حظي فارق الدنيا وفـي قبـره خمـد=حتى الحمام اللي على خضر الجرايد ناح لـه
يا رب عوضني بحظ مـا يسبـب لـي كمـد=خل الجبال اللي تجي في طرقته تنـزاح لـه

ياربي اجعلني من اللي كل ما عطيتـه حمـد=يا رب و ابعدني عن اللي نظرته فـي كاحلـه

الوقت سيفه في صميم القلب يا محمد غمـد=حتى بكت ديمـه عليـه بالعيـون الكاحلـه
ليته بعد جرحه لقلبي عاد للجـرح و ضمـد=ولا رمى بي بين سـودان القلـوب الواحلـه
كم واحدٍ كنت احسبه في حزة الضيقـه جمـد=ينفخ بروحه و البحور الهوج تغرق ساحلـه
الله يقطع صاحبٍ وقت الشدايـد مـا صمـد=عز الله إن العود الازرق لو يجي ما فاح لـه
النار تالع بالحطـب و يصيـر تاليهـا رمـد=و القلب ناره ما يطفيها البحـر لـو راح لـه
و البيت له ساس وعمد وإن كان ما جود همد=والكايـده لرجالهـا و العلـم لـه فطاحـلـه
واليوم ابسجد لله المعبود و ألجى له و امـد=أكفوفي الفقرا عسى يهـدي نفـوسٍ باحلـه
يالله ياللـي رافـعٍ سبـعٍ شـداد بـلا عمـد=ياللي فؤادي و الجـوارح كلهـا ترتـاح لـه
يا خالقي يا رازقي يالواحـد الفـرد الصمـد=يا محيي قلوبٍ غدت مثل الصحـاري قاحلـه
روحي تزايد همها و العيـن غاشيهـا رمـد=و القلب في غيبوبته ما يستمع من صاح لـه
و النفس تامرني بسو و يغرها طـول الأمـد=وأنا ادري إنه لو يطول الوقت روحي راحلـه
ابني من الاحلام و اشيد قصـور بـلا عمـد=و اصبحت مثل اللي بوسط البيد اضاع الراحله
يا رب حظي فارق الدنيا وفـي قبـره خمـد=حتى الحمام اللي على خضر الجرايد ناح لـه
يا رب عوضني بحظ مـا يسبـب لـي كمـد=خل الجبال اللي تجي في طرقته تنـزاح لـه
ياربي أنته ملجئي و انت السنـد و المعتمـد=و الحمل جاير و الضلوع الحدب مني ناحلـه
يارب و اتمم نعمتك و اجعل فـؤادي يستمـد=من فضل جودك ما يجي وسط المياه الضاحله