هدية حبيبي يوم زرته صباح العيـد =تبسم فرح والدمع سائل على خـدّه
وسلم علي وعبرته بالدموع تزيد =وقدم لي احلى فل في داخله وردّه
وسولفت انا واياه باعذب كلام امفيد =وماحلا سواليفه وهرجه فلا مدّه
وقبل الظهر في ساعة احدعش بالتحديد =توادعت انا واياه والنفس منهدّه
وياويل حالي يوم فارقت سيد الغيـد =جميل الوصايف مايجد فالعرب قدّه
حبيبي وانا احبه وأنا الفارس الصنديد =أضحي علشانه بعمري فالشِدّه
وروحي فداء روحه ولانقبل التهديــد =ومن لامني جعله لظى النار في لحدّه
أنا أرخص له الغالي وأقرب له إللي بعيد =ولا ني من إللي طبعه البخٌل في ودّه
دفعت العمر للزين في شيك بالتقصيد =ولويطلبه بالكاش لاأسلمه نقدّه
على العز والناموس أمشي بدرب الجيد =ولاأنا من إللي يبذل المال ويعدّه
يميني عطاها بالعطاءماتمده إيـد =يدي بالمكارم والوفاء دوم ممتدّه
ودرب المحبه يالمحبين به تعقيد =وأنا شاعر أعرف عقدت الحبل وأمدّه
درست الهوى وأصبحت كالبلبل الغريّد =ترنمت بالصوت الشجي وأنتظر ردّه
وأنا البلبل الشادي صدى صوتي الترديد =أغني لمحبوبي ولاأخشى بلاء الغدّه
وقبل الختام أود للقارئ التأكيد =وتوضيح صدر البيت والعجز والشًدّه
ترى دال صدر البيت ساكن بلاتشديد =وفي العجز قبل الهاء ترى الدال مشتدّه
وفي مسكها والختم على القارئ التسديد =يسدد ويتمعن وإذا ما عرف قصدّه
فلا فائده يتعب حياته مع أهل الصيد =وكم شاعر(ن) كذاب شعره بحث سدّه
وأنا شفت بعض الناس شغال فالتبريد =نصحته يخلي الشعر ماهوب من ندّه
ولاطاع نصحي جعله الكد والتنكيد =ويحسب بحور الشعر هجمات مرتدّه