|
فكاهة العجوز !!
شاب جامعي خلوق اراد ان يتزوج ...لكن امه العجوز تكفلت له بأن تبحث له عن فتاة تعرفها وتدخل مزاجها لان مو كل بنت على حد زعمها تصلح لها .... اخوات هذا الشاب ذكروا له زميلتهم في الكلية وهي فتاة رائعة وآية في الجمال والاخلاق واجتماعية بشكل كبير ... ومن كثر ما يتكلمون عنها تعلق قلبه بها وطلب من أخواته ان يكلموها عنه ... بدأ البنات بالحديث لتلك الفتاة عن أخوهم واخلاقه الرائعة ودمه الخفيف وحفاظه على الصلاة والدين واحتقاره للشباب اللي يرقمون .. ومن هالحكي .. المهم .. .. البنية المسكينة تعلقت فيه وحبته وتمنت اليوم اللي يجمعها به ... لكن المشكلة انهم من قبيلتين مختلفة وكيف يقنعون الام العجوز بها البينة الحلوة ... وبعد مشاورات ... وتعرفون النساء وحيلهم وبالذات بنات هاليوم .. بعد يومين اتصلت هالبنية المسكينة على أخوات الشاب وقالت : مافيه الا اني اتعرف على امكم شخصيا اللين اخليها تعجب فيني وهي بنفسها اللي تخطبني له .... قاموا يفكرون شلون تتعرف على امه ؟ طرى على بالها ان ابوها وامها بيحجون هذي السنه ... قالت : وش رايكم تودون امكم للحج بنفس الحمله اللي بيروحون فيها اهلي وانا ابقنع اهلي ان يودوني معاهم .... ؟ ومن يومها وهي تحن على اهلها ابي احج معكم ؟ قالوا لها :ماعندنا مانع والحج فريضه على كل مسلم وودنا انك تروحين وتقضين فرضك انبسطت وقالت له ان اهلها بيودونها للحج معهم والدور عليه اللحين عشان يخلي امه تروح للحج .. واول ماوصلوا لمكه وهي تتشوف لها في السكن اللي هم ساكنين فيه وكل وقت وكل صلاه وهي جنبها وبالليل تساعدها بقراءة الدعاء .. ولما جات ليلة مزدلفة راحت تجمع لها الحصى وتقول لها هذا الحصاة اكبر وتعور إبليس وتعطيها .. ولما راحوا يرجمون كانت معها بكل خطوه من خطواتها ... ولما جاء اخر يوم من ايام الحج وكانوا بيطوفون الوداع راحت تسلم عليها وتحضنها وتقول لها والله اني احبك زي امي واني ارتحتلك ياخاله وتهل من دموع التماسيح وراحوا للمطار عشان يرجعون لديرتهم ولما وصلوا استقبل الولد امه وابوه من المطار وقعد يسئلهم عن حجهم وعسى ماتعبتوا ومن هذا الكلام وبعدها قال : يمه عسى ارتحتي بحجك ؟ قالت ياولدي والله انه احسن حج ذا السنه الله يخليك لنا قال : عسى الناس اللي معك طيبين وارتحتي لهم؟ قالت : والله ماعليهم ناس اجاويد بس بس بس بس بس بس بس بس بس بس بس والله ماضيق صدري الا بنت لزقة كانت معنا نشبت بحلقي ما شفت ملقوفة ومطفوقة مثلها الله يعيين اللي بياخذها........ منقوووووووووووول من الإيميل . . . همسة لـ حايره ولون الثلج: مو عشان حجيت هالسنة تروح أفكاركم شروي غروي ماقابلت ولا عجوز بالحج :D :D :D صدقوني :D |
هههههههههههههههههههههههههههههههههههههههه
هههههههههههههههههههههههههههههههههههههههههههههه حلوه مزون احلى من كذا مافيه وهي مجتهده... لكن تجري الرياح بما لاتشتهي السفن هههههههه تشكرات :rose: |
قصه جميله وقلم رائع وابداع مرهف
كوني بخير |
.
. صلى المصلي لأمر كان يقصده = فلما انتهى الامر لاصلى ولاصاما ههههههههههه شكرا مزون على هذا النقل الطريف . . فائق تقديري واحترامي |
:
مزون الصراحه ماندري عنك وحجك ---> بتشكك فيها :) هههههههههههههه ها عسى الحج زين.. الحريم الكبار حبوبات :D من جد ضعيفه هالبنيه رحمتها والله .. عاد العجوز ذي شكلها عنيده تبي كل شي تحت راسها ههههههههههه مشكوره مزون ..والسنه الجايه بحج انا :D استغفر الله الله لاتعاقبنا بس لك كل الحب . |
ههههههههههههههههههههههه <<< حط نفسه مكان الولد و حس بـ بشاعة الموقف و الله ياهو احباط عسى الله يعينه بس ألف ألف شكر لك مزون |
عندي إحساس ان بطلة القصه معنا في المنتدى >>>> أبد ماتقصد مزون :D صراحة العجوز هذي ماينفع معها شي بس قووويه لما قالت : الله يعين اللي بياخذها أحس ولدها تمنى انه ينتحر هههههههههه يسلموووو يا الغلا |
اقتباس:
هلا وغلا يانجديه بصراحة أكثر من كذا إجتهاد مافيه الله يعين البنية لاهنتي على مرورك |
اقتباس:
لاهنت على المرور أخوي مازن دمت بألف خير |
اقتباس:
هلابك أبو مفلح حرااااااااااااااااااام مو لهالدرجة تحطم هالبنية كذا كسرت خاطري هي والخبل اللي منتظر حظه الأقشر هههههههههههههههههههه لاهنت على مرورك |
| الساعة الآن 03:07 PM |
Powered by vBulletin® Copyright ©2000 - 2026
