والله عجب لاقالوا الناس وس فيه = انا حبيبي يختلف ماله اجناس
 

السلام عليكم ورحمة الله وبركاته

كل عام والجميع بالف صحه وخير بمناسبة العام الجديد واتمنى من المولى عز وجل ان يكون عام خير على الجميع وان يديم على بلدنا نعمة الامن والامان وان يعم السلام جميع اركان المعمورة

واليكم هذه المصافحه المتواضعه التي اتمنى ان تنال اعجابكم وترقى الى ذائقتكم وبالمناسبه شاركت بهذه القصيده في اذاعة صوت الخليج برنامج فيض المشاعر




لا قلت احبه قالوا الناس وش فيه = وش فيه من زود(ن) على مثله اجناس

قلت اسالوا قلب(ن) تولع ومغليه = له داخله قدر ومكانه ومجلاس

(الجمر ما يحرق سوى رجل واطيه) = ومن جرب الجمره توقى ولا داس

الحب طيف(ن) كلما مر طاريه = اروى العروق الظاميه بين الاقواس

قالوا تحبه قلت انا خاتم ايديه = يخطي يعذبني وانا اقول لاباس

تسهر له عيوني واحبه واداريه= باقصى فؤادي مرتكي له على ساس

قالوا يحبك قلت انا شلون ياهيه = دامه يقول اني الامل وآخر الياس

لامن فقدته قام قلبي يناديه = تعال يااغلى حب يااقرب من انفاس

ولا غاب عني اسهر الليل وابكيه = كل(ن) ينام وخاطري فيه هوجاس

لا جا حبيبي ياترى ويش باهديه = ومدري غلاته بالحشى كيف تنقاس

وياللي تسوق من العتب والمشاريه = الحب ما ذاقه فقيدين الاحساس

والله عجب لا قالوا الناس وش فيه = انا حبيبي يختلف ماله اجناس




وسلامتكم




اخوكم / حسين النجراني

لآ فض فووكـ اخي حسين وصح لسانكـ

قصيدة جميلة وآحساس آجمل وسطور رائعة خاطبت الصمت حتى نالت من وتحدث


لآ عدمنا توآجدكـ وحضوركـ الرآئع ولا تحرمنا من جديدك

دمت ودآم نبض قلمكـ

.

.

شاعرنا

حسين النجراني

.

.

صح لسانك وعلا شانك

.

.

قصيده عانقت السحاب بروعتها . .

.

.

دمت بهذا الحضور ولاعدمنا تواجدك.

.

.

تقبل فائق تقديري واحترامي

حسين النجراني

قصيدة عذبة من شاعر قدير

صح لسانك وانا اخوك

وتقبل فائق تقديري

أخوك / قديم الشوق