|
اغلى الاماكن ... 1429 هـ !!
السلام عليكم ورحمة الله وبركاته
كل عام وانتم بخير ..
على هامش حياتي .. تكبر احزان وتموت آمال = تحت ظل الظروف اللي .. مرابعها .. ورى صدري كبرت .. وشحت ارضي بالعطا .. والشح فيها طال = وانا ادعي ..يا عسى خيط الامل ما يحرقه جمري! تموت من العطش غابة ..واردد للشجر لا مال = سقاك الغيث .. يا ظل السباع .. و راحة القمري! بعد صارت جفاف .. وما لقى قلبي بها مدهال = بعد صارت ..عروش ٍ خاوية .. قلت : اغتنم عمري نويت ارحل .. مع انسام الهبوب .. ومع سراب اللال = نويت اشطب على سود الظروف .. وحيرتي بأمري وقفت .. اجمع شتاتي .. والزمن فرقى .. وضيقة بال = وقفت .. ولا قدرت اصمد ..وخفت ابكي وانا ما ادري!! تقبّلت الظلام .. ووحشة الطرقة بعزم ابطال = تناوشني.. مخاليب الظروف .. و تنتظر كسري تركت اغلى الاماكن .. تحتظن حلمي .. وراس المال = وانا ادري.. لو قسى حكم الزمن .. تبقى على خبري رحلت .. اشرب مع انفاسي ضما .. والجوع ما له فال = رحلت .. وقلبي ترفرف عروقه .. تفتقد وكري رحلت ..اكابد الغربة.. واساير ضحكتي محتال = وحيد .. افرش من احزاني بساطي .. والتحف صبري بقى لي .. وش بقى لي .. يا ( صدى صوتي ) ولا ينقال = سوى صوت ٍ .. ولو ما له صدى .. ما اتوقعه جهري! بأجر الصوت في قمة جبل حاطت عليه اجبال = وابي تسمع صدى ٍ يدفع صداك.. ومنبعه نهري بأجر الصوت .. في جزل الحروف .. وزفرة الموال = قوي ٍ دافعي .. واسكب على صدر الشعر .. شعري تعيش اظروف .. وتموت الشيوخ .. ويكبرون اطفال = وانا مثل الفضا .. ما نزلّت بأسمي ولا قدري انا شااااامخ .. شموخي ما انحجب دون السماء بظلال = واذا حاول بشر يكسر شموخي.. قلت له : بدري!! يا انا جيلي .. بعد جيلي .. ولكني رجعت اجيال = ولكن للأسف .. ما به على كبري .. ومن عصري! يا انا جيلي .. قبل جيلي .. ولكني مشيت اميال = ولكن للأسف .. ما به بشر فيهم .. على كبري ! فقدت ارجال .. لا والله عقول ٍ .. من وراها ارجال = دفنت اللي يموت بداخلي .. في مقبرة قصري ! ولكني .. رغم ذلك .. ما اقابل واقعي .. باهمال = ابرهن ما حدث .. وارسم تحياتي .. على سطري واذا طال الرحيل .. ولا كسبت من الفرح مثقال = حسافة يا ( صدى ) .. كان ابتديت اضحك .. ومن عذري! امانة يا صدى صوتي .. معك حلمي .. وشرح الحال = تزور اغلى الاماكن .. مع نهاية .. عامها الهجري وامانة يا صدى صوتي .. لا شح اقسى الزمن ..بوصال = ابي .. لو حفنة ٍ من رملها .. ترمى وسط قبري !! وسلامتكم .. مع التحية .. ابو نايف |
رحلت .. اشرب مع انفاسي ضما .. والجوع ما لـه فـال
رحلـت .. وقلبـي ترفـرف عروقـه .. تفتقـد وكـري وربي شعر ، حزن شكراً ياشامخ بأنك هنا .... مودتي :rose: |
اقتباس:
وعليكم السلام ورحمة الله وبركاته .. أسمح لي ياأخي .... مارديت السلام جمال البيت نساني السلام بس شدني النص كله .... لله درك ... |
نص مليءٌ بالشجن و الروعة .. قراءته تسر القلب و تسعده .. صح لسانك ولاهنت |
شامخ الرشيدي نصٌ جميل و حضورٌ اشتقنا لهُ كثيراً سيما و هو من شاعرٍ نفخرُ بـ حضورهِ و نسعد صح لسانك و لاهنت تقبل تحياتي |
صح لسانك وتسلم يمناك حضور متألق ورائع تحياتي لك ولقلمك المبدع |
رحلت .. اشرب مع انفاسي ضما .. والجوع ما لـه فـال رحلـت .. وقلبـي ترفـرف عروقـه .. تفتقـد وكـري رحلـت ..اكابـد الغربـة.. واسايـر ضحكتـي محـتـال وحيد .. افرش من احزاني بساطي .. والتحـف صبـري رحيل .. ضما .. جوع .. غربة .. ضحكة محتال كل ذلك يتحد بالوحدة القاتلة على بساط الأحزان ولحاف الصبر نص غارق بالروعة وله من اسم صاحبه النصيب الأكبر شامخ الرشيدي صح الله لسانك على هذه القصيدة العذبة لاهنت على حضورك الكريم دمت بألف خير |
. . شاعرنا شامخ الرشيدي . . صح لسانك وصح كلك على هذه القصيده الرائعه بروعة حضورك وتواجدك . . . . حضور جميل وقصيده تستحق القراءه لأكثر من مره . . . . . دمت بهذه الشاعريه . . . . . تقبل فائق تقديري واحترامي |
سلمت وسلم نبضك على هالنص الراقي سجل اعجابي ومتابعتي ولك تحياتي |
السلام عليكم ورحمة الله وبركاته أسعد الله صباحك بالمسرات قصيدة غنية بمفرداتها و قوية بتأثيرها مترابطة خالية من الحشو هي قصيدة لا يكتبها إلا شاعر متمكن أعجبتني لاسيما هذا البيت .. اقتباس:
تقبل أصدق الود |
| الساعة الآن 01:14 AM |
Powered by vBulletin® Copyright ©2000 - 2026
