يومي بعيني يالغلا في مستلذاتك غفيت=دارت بي الدنيا وعشت أجمل ليالي هالعمر
ياليتني من غفوتي يا نبض قلبي ما صحيت=عشان أعيش بدنيتك طال العمر ولا قصر
ماهوب ذنبي أعشقك وأموت فيك وما حييت=أنا بشر وأنتي هنا مساويه كل البشر
فيك الحلا .. فيك العسل فيك إمتداد الشوكليت=أبوسط ثغرك لا بصم ثمٍ تلاقا بالجمر
معنّقه .. مخصّره .. مدقّره ..شغل إستريت=هذا الحكي ولا فلا مدامي بحد الخطر
فيك المزايا كلّها واللي بها بس إحتويت=عطفك ليا منّه ثنى دقيت أنا ضرب الوتر
موتٍ حمر لامن دمجته في مسار الدانميت=يبقى على نفس كذا موتٍ حمر .. موتٍ حمر
لو جيت أوصّف هالحلا وأشيد بك ألفين بيت= إتبعثرت وإتبخرت في شوفتك مثل العطر
يعني قسم وبذمتي ما مثلك بعيني رأيت=لنّك بدر وأنتي بدر .. لبيه يانور البدر
واللي بقوله يا فديت ويافديت ويا فديت=وأنا فدى ذيك العيون اللي تطاولها سهر
قد قلتلك صعب الوصف لو قلت كيت وكيت .. كيت=ولاّ كذا ولاّ كذا ..أنتي وسيلة للقبر
لنّي أموت بشوفتك والناس قالو أنت ميت =ماعاد بك حالٍ يرد وحال حالك في فقر
ما الومهم لامن حكوا ..ما حسّو اللي قد وطيت=كل ما تخيّلتك أحس القدر في قلبي كبر
لو قلتي إنك م الكويت أحب أنا أهل الكويت=وإن قلتي إنك في قطر لبيه ياريحة قطر
وإن قلتي انك بالمنامه ياعساني ما سهيت=ما بيننا وبينها إلا مراكز مع جسر
وإن قلتي عمانٍ ترا ياما على ذلك حكيت= أحبها وأحب جوٍ لاغشى ليله مطر
وإن قلتي بْدار الظبي أنشهد إني ما وفيت=ديرة كرم ديرة عطا .. ماعاد في قلبي صبر
لكن أعَرْفك ساكنه بديرتي اللي ربيت=بضلها واللي علمها لابرق لونه خضر
أنتي هنا واللي ذكرته شاطبه كلّه دليت=حطيت لك دولة غلا في وسط قلبي مع مقر
مخالفٍ سلم العرب وما أحب الإيتيكيت=على السجيه عيشتي بالحب لامنّه حضر
وأنتي فتنتي خافقي .. أحييييية منّك إنْكويت=أصبحت في مُقدم لضى واللي تقدمني بحر
يعني ضميتك مبتلش وليا شربتك ما ارتويت=وليا غفيتك مبحرٍ رَد الخبر نفس الخبر
ياليتني من غفوتي يا نبض قلبي ما صحيت=عشان أعيش بدنيتك هذا كلام المختصر